దేశవ్యాప్తంగా కొవిడ్ కేసులు స్థిరంగా పెరుగుతున్నాయి. దేశ రాజధాని దిల్లీ సహా.. దక్షిణాది రాష్ట్రాల్లో వైరస్ మళ్లీ విజృంభిస్తోంది. దిల్లీలో ఒక్కరోజులోనే 7,486 మంది కరోనా బారినపడ్డారు. ఫలితంగా బాధితుల సంఖ్య 5లక్షల 3వేల 84కు ఎగబాకింది. మరో 131 మరణాలతో.. మొత్తం ప్రాణాలు కోల్పోయిన వారి సంఖ్య 8వేలకు సమీపించింది.
- కేరళలో కొత్తగా 6,419 కేసులు నమోదయ్యాయి. రాష్ట్రంలో ఉన్న యాక్టివ్ కేసుల సంఖ్య 69,394. ఇప్పటివరకూ 4 లక్షలకు పైగా వైరస్ నుంచి కోలుకున్నారు.
- మహారాష్ట్రలో కొత్తగా 5,011 కొవిడ్ కేసులు వెలుగులోకి వచ్చాయి. 100 మంది వైరస్ కారణంగా మృతిచెందారు. ఆ రాష్ట్రంలో మొత్తం కేసుల సంఖ్య 17 లక్షలు దాటగా మొత్తం మృతుల సంఖ్య 46,202కి పెరిగింది. ప్రస్తుతం 80,221 యాక్టివ్ కేసులున్నాయి. కేవలం ముంబయిలోనే 871 కొత్త కేసులు నమోదయ్యాయి.
- బంగాల్లో తాజాగా 3,668 మందికి పాజిటివ్ అని తేలింది. 54 మంది మృతిచెందారు. మొత్తం కేసుల సంఖ్య 4,41,885కి ఎగబాకింది. మృతుల సంఖ్య 7,820కి చేరింది. ప్రస్తుతం 26,296 యాక్టివ్ కేసులున్నాయి.
- హరియాణాలో గడిచిన 24 గంటల్లో 2,562 మంది వైరస్ బారిన పడ్డారు. మొత్తం కేసుల సంఖ్య 2,07,039కి పెరిగింది. రాష్ట్రంలో 19,543 యాక్టివ్ కేసులు ఉన్నాయి.
- కర్ణాటకలో తాజాగా 1,791 మందికి వైరస్ సోకింది. 21 మంది మృతిచెందగా మొత్తం మృతుల సంఖ్య 11,578కి పెరిగింది. ప్రస్తుతం ఉన్న యాక్టివ్ కేసుల సంఖ్య 25,146 కాగా రాష్ట్రంలో మొత్తంగా 8,65,931 కేసులు నమోదయ్యాయి.
