జామపండ్లను తినాలని ఆశపడ్డ ఓ బాలుడి పరిస్థితి ప్రాణాపాయంగా మారింది. చెట్టుపై నుంచి కిందపడగా... ఇనుప కడ్డీలు అతడి శరీరంలో గుచ్చుకున్నాయి. ఈ ఘటన ఝార్ఖండ్ ధన్బాద్లో(Jharkhand Dhanbad News) జరిగింది.
ధన్బాద్ జిల్లాలోని(Jharkhand Dhanbad News) ఆసన్బానీ గ్రామానికి చెందిన ఓ 12 ఏళ్ల బాలుడు.. శుక్రవారం తన ఇంటి సమీపంలోని ఓ జామ చెట్టు ఎక్కాడు. అయితే.. అనుకోకుండా కాలు జారి కింద ఉన్న ఇనుప కడ్డీలపై పడ్డాడు. దాంతో మూడు ఇనుప కడ్డీలు అతడి శరీరంలోకి గుచ్చుకున్నాయి. స్థానికులు వాటిని కత్తిరించి, ధన్బాద్లోని ఎస్ఎన్ఎంసీఎహెచ్ ఆస్పత్రికి బాలుడిని తరలించారు. అక్కడ బాలుడికి వైద్యులు చికిత్స అందిస్తున్నారు. అయితే.. బాధిత బాలుడి పరిస్థితి విషమంగా ఉందని వైద్యులు తెలిపారు.
బాధిత బాలుడి తండ్రి చాలా కాలం క్రితమే మరణించాడని స్థానికులు తెలిపారు. తల్లి ఒక్కతే అతడి ఆలనా పాలనా చూసుకుంటోందని చెప్పారు. ఆస్పత్రిలో చికిత్స పొందుతున్న బాలుడిని చూసేందుకు ఆస్పత్రికి పెద్దఎత్తున స్థానికులు తరలివచ్చారు. వారంతా బాలుడి ఆరోగ్య పరిస్థితిపై ఆందోళన చెందుతున్నారు.
ఇదీ చూడండి: భవనంలో అగ్నిప్రమాదం.. 19వ అంతస్తు నుంచి పడి..
ఇదీ చూడండి: 3 నెలల మనవడిని హత్య చేసిన అమ్మమ్మ.. ఆపై!
