జమ్ముకశ్మీర్ నౌగామ్లో ఓ సీఐడీ ఇన్స్పెక్టర్ను ఉగ్రవాదులు కాల్చిచంపేశారు. మంగళవారం సాయంత్రం ఈ ఘటన జరిగినట్టు తెలుస్తోంది.
"నగౌన్లోని కానిపొరలో ప్రార్థనలు చేసి వెనక్కి వస్తుండగా, సీఐడీ ఇన్స్పెక్టర్ పర్వేజ్ దార్పై ముష్కరులు కాల్పులకు తెగబడ్డారు. ఈ దాడిలో పర్వేజ్ తీవ్రంగా గాయపడగా.. ఆయన్ని ఆసుపత్రికి తరలించేందుకు ప్రయత్నించారు. మార్గం మధ్యలో పర్వేజ్ ప్రాణాలు కోల్పోయారు."
--- సీనియర్ అధికారి.
ఈ ఘటనపై కేసు నమోదు చేసినట్టు, దాడికి పాల్పడిన వారిని పట్టుకునేందుకు గాలింపు చర్యలు చేపట్టినట్టు ఆ అధికారి స్పష్టం చేశారు.
సోపోర్లో ముగ్గురు లష్కరే తోయిబా ఉగ్రవాదులను భద్రతా దళాలు మట్టుబెట్టిన ఒక రోజు అనంతరం ఆ ఘటన జరగడం గమనార్హం.
