పులి సంచారం.. ప్రజలు అప్రమత్తంగా ఉండాలని అటవీశాఖ సూచన

TIGER: విజయనగరం జిల్లా ఎస్‌.కోట పరిసరాల్లో పులి సంచారం గ్రామస్థులకు కంటి మీద కునుకు లేకుండా చేస్తోంది. ఎస్‌.కోటలోని జలగలబంద రహదారిపై పులిని చూసిన వాహనదారులు భయంతో వణికిపోతున్నారు. కృష్ణాపురం శివారు భీమవరంలో రెండు గొర్రెలపై పులి దాడి చేసినట్లు స్థానికులు అటవీ సిబ్బందికి సమాచారం అందించారు. సంఘటన స్థలానికి చేరుకున్న అటవీశాఖ అధికారులు పాదముద్రలు సేకరించి పులి దాడిని నిర్దారించారు. పరిసర గ్రామాల ప్రజలు అప్రమత్తంగా ఉండాలని సూచించారు. పులి సంచారం గురించి పల్లెల్లో దండోరా వేయించారు.

ఇదీ చదవండి: 'ఏపీలో వ్యవసాయ రంగం సంక్షోభాన్ని ఎదుర్కొంటోంది'