Road Accident at chittor: చిత్తూరు జిల్లా చంద్రగిరి మండలం ఐతేపల్లి వద్ద జరిగిన ఘోర రోడ్డు ప్రమాదంలో నలుగురు మరణించారు. ముందువెళ్తున్న లారీని వెనుక నుంచి వేగంగా వచ్చిన కారు బలంగా ఢీకొట్టింది. ఈ ప్రమాదంలో కారు నుజ్జునుజ్జుఅయ్యింది. ఈ దుర్ఘటనలో.. కారులో ప్రయాణిస్తున్న నలుగురు అక్కడికక్కడే ప్రాణాలు విడిచారు. మృతుల్లో ఓ రెండేళ్ల పాప కూడా ఉంది. చనిపోయిన నలుగురినీ విశాఖ వాసులుగా గుర్తించారు. కారు డ్రైవర్ తీవ్రంగా గాయపడ్డాడు.
గోల్డెన్ టెంపుల్కు వెళ్తుండగా ఘటన..
ఇవాళ ఉదయం తిరుపతి నుంచి తమిళనాడు రాష్ట్రం వేలూరులోని గోల్డెన్ టెంపుల్కు వెళుతుండగా.. ఈ ప్రమాదం సంభవించినట్లు పోలీసుల ప్రాథమిక విచారణలో వెల్లడైంది. నెల్లూరు జిల్లా కృష్ణపట్నం నుంచి తమిళనాడు రాష్ట్రం జాలరిపేటకు సిమెంట్ లోడుతో వెళ్తున్న లారీని.. వీరు ప్రయాణిస్తున్న కారు ఢీ కొనడంతో.. ఈ దారుణం జరిగింది.
ఈ ప్రమాదంలో విశాఖకు చెందిన స్వాతి (25).. ఆమె తమ్ముడు ప్రేమ్ కుమార్ (23), కుమార్తె శ్యామాక్షిత (2), వారి స్నేహితుడు సునీల్ కుమార్ మృతి చెందారు. డ్రైవర్ ఖాదర్వలికి తీవ్రగాయాలు కాగా.. తిరుపతి రుయా ఆసుపత్రికి తరలించారు. ఈ విషయం తెలుసుకున్న బాధితుల కుటుంబసభ్యులు.. గాజువాక నుంచి తిరుపతి బయలుదేరారు.
ఓకే కుటుంబానికి చెందిన ముగ్గురు మరణించడంతో.. గాజువాకలో విషాదఛాయలు అలుముకున్నాయి. స్వాతి భర్త వీఎల్ నారాయణ.. సింగపూల్లో ఉన్నట్లు ఆమె తండ్రి రామచంద్రరావు తెలిపారు. పోస్టుమార్టం నిమిత్తం మృతదేహాలను.. తిరుపతి రుయా ఆసుపత్రి తరలించారు. గతంలో కూడా ఈ ప్రదేశంలో ఓ ప్రమాదం జరగగా.. ఏడుగురు మృత్యువాత పడ్డారు.
ఇదీ చదవండి:
