'ఎమ్మెల్యే రోజా నాకు సోదరి లాంటిది'

తనకు సోదరిలాంటి రోజాతో విబేధాలను సృష్టించేందుకే కొందరు ప్రయత్నిస్తున్నారని... ఉపముఖ్యమంత్రి నారాయణస్వామి అన్నారు. పుత్తూరులో జరిగిన ఓ కార్యక్రమంలో స్థానిక ఎమ్మెల్యే ఆర్కే రోజాను పిలవలేదనే ఆరోపణలపై ఆయన ఈ సమాధానమిచ్చారు.

తనకు గ్రూపు రాజకీయాలు చేయాల్సిన అవసరం లేదని ఉపముఖ్యమంత్రి నారాయణస్వామి స్పష్టం చేశారు. తిరుపతి ఎస్వీ విశ్వవిద్యాలయంలో నిర్వహించిన 'మన పాలన-మీ సూచన' కార్యక్రమంలో రెండో రోజూ పాల్గొన్న ఆయన... రైతుల సమస్యలపై అధికారులతో చర్చించారు. అనంతరం మీడియాతో మాట్లాడిన నారాయణస్వామి... పుత్తూరులో జరిగిన ఓ కార్యక్రమంలో స్థానిక ఎమ్మెల్యే ఆర్కే రోజాను పిలవలేదనే ఆరోపణలపై సమాధానమిచ్చారు. పుత్తూరులో ఓ కమ్యూనిటీ హాల్ ఏర్పాటుపై జిల్లా కలెక్టర్​తో కలిసి అక్కడి స్థలాన్ని అనుకోకుండా పరిశీలించామన్న నారాయణస్వామి... అక్కడ ఎలాంటి కార్యక్రమాలను నిర్వహించలేదన్నారు. తనకు సోదరి లాంటి రోజాతో విబేధాలను సృష్టించేందుకే ఇలాంటి వివాదాలను రాజేస్తున్నారని ఆయన మండిపడ్డారు.

ఇదీ చదవండి