Meals for Rs.2: తెలుగుదేశం హయాంలో ఎన్టీఆర్ పేరుతో అన్నక్యాంటీన్‌ పథకాన్ని ప్రభుత్వం చేపట్టింది. కేవలం 5 రూపాయలకే భోజనం, అల్పాహారం అందించింది. జగన్‌ ప్రభుత్వం అధికారంలోకి వచ్చాక అన్న క్యాంటీన్లను మూసేసింది. అయితే పేదల ఆకలిని తీర్చేందుకు విదేశాల్లోని ఎన్టీఆర్ అభిమానులు.. ఓ మంచి కార్యక్రమానికి శ్రీకారం చుట్టారు. ఏడాది పాటుగా కేవలం రెండు రూపాయలకే అన్నదాన వితరణను చేపట్టారు. సత్యసాయి జిల్లా హిందూపురంలో ఈ కార్యక్రమాన్ని ప్రారంభించారు.
ఎన్టీఆర్ శతజయంతి ఉత్సవాల సందర్భంగా.. పలుచోట్ల ఈ భోజన సేవను ప్రారంభించారు. నెల రోజుల క్రితం ఈ భోజన వితరణ సేవ ప్రారంభం కాగా.. హిందూపురం అధికార పార్టీ నాయకులు అడ్డుకోవాలని ప్రయత్నాలు చేశారు. నందమూరి అభిమానులు వెనక్కు తగ్గకుండా అన్నం, పప్పు, రసం, కూర, మజ్జిగతో పాటు రోజుకూ ఒక స్పెషల్‌ వంటకంతో..రుచికరంగా పేదలకు భోజనం అందిస్తున్నారు.
ఈ క్యాంటీన్‌ ద్వారా దాదాపుగా 400నుంచి 500 వందల మంది ఆకలి తీరుస్తున్నామని నిర్వహకులు చెబుతున్నారు. నందమూరి కుటుంబాన్ని ప్రజలు తమ గుండెల్లో పెట్టుకున్న హిందూపురంలో ఏడాదిపాటు ఈ కార్యక్రమాన్ని చేస్తున్నట్లు ఎమ్మెల్యే బాలకృష్ణ అభిమానులు చెబుతున్నారు. ఏడాది పాటు సాగే భోజన వితరణ సేవను విదేశాల్లోని బాలయ్య అభిమానులు వీడియోల ద్వారా పర్యవేక్షిస్తూ ఆర్థిక సహాయం చేస్తున్నారు.
ఇదీ చదవండి:
