Pawan kalyan movie: పవర్స్టార్ పవన్ కల్యాణ్ 'భీమ్లా నాయక్' షూటింగ్లో బిజీగా ఉన్నారు. సంక్రాంతి కానుకగా ఈ సినిమా థియేటర్లలోకి రానుంది. ఆ తర్వాత 'హరిహర వీరమల్లు' సినిమా చేస్తున్నారు. ఇప్పుడు ఈ చిత్ర షూటింగ్కు సంబంధించిన అప్డేట్ వచ్చేసింది.
స్క్రిప్ట్ రీడింగ్ సెషల్ అద్భుతంగా ఉందని, న్యూయర్ తర్వాత 'హరిహర వీరమల్లు' కొత్త షెడ్యూల్ మొదలవుతుంది డైరెక్టర్ క్రిష్ ట్వీట్ చేశారు. పవన్తో ఉన్న ఓ ఫొటోను పోస్ట్ చేశారు.
Radhe shyam movie: 'రాధేశ్యామ్' నుంచి కొత్త అప్డేట్ వచ్చేసింది. కీలకపాత్రలో నటిస్తున్న రెబల్స్టార్ కృష్ణంరాజ్ ఫస్ట్లుక్ను రిలీజ్ చేశారు. ఇందులో ఆయన పరమహంస అనే సాధువు పాత్రలో నటిస్తున్నారు. కాషాయ దుస్తుల్లో ఉన్న కృష్ణంరాజు.. సినిమాపై అంచనాల్ని పెంచుతున్నారు. ప్రభాస్, పెద్దనాన్న కృష్ణంరాజుతో కలిసి గతంలో బిల్లా, రెబల్ సినిమాల్లో నటించారు.
'రాధేశ్యామ్'.. సంక్రాంతి కానుకగా జనవరి 14న ప్రేక్షకుల ముందుకు రానుంది. ఇందులో ప్రభాస్ సరసన పూజాహెగ్డే హీరోయిన్. జస్టిన్ ప్రభాకరన్ సంగీతమందిస్తున్నారు. రాధాకృష్ణ కుమార్ దర్శకుడు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మించాయి.
Samantha Yasodha movie: సమంత ప్రధాన పాత్రలో నటిస్తున్న పాన్ ఇండియా సినిమా 'యశోద'. ఈ థ్రిల్లర్ చిత్ర షూటింగ్ ప్రస్తుతం శరవేగంగా సాగుతోంది. ఈ సినిమాలో తమిళనటి వరలక్ష్మి కీలకపాత్ర పోషిస్తుండగా.. మలయాళ నటుడు ఉన్ని ముకుందన్ కూడా ప్రత్యేక పాత్ర చేస్తున్నట్లు వెల్లడిస్తూ పోస్టర్ను రిలీజ్ చేశారు.
శివలెంక కృష్ణ ప్రసాద్ నిర్మిస్తున్న ఈ సినిమాతో హరి-హరీశ్ ద్వయం దర్శకులుగా పరిచయమవుతున్నారు. మార్చి కల్లా షూటింగ్ పూర్తిచేసి వేసవిలో ప్రేక్షకుల ముందుకు తీసుకురావాలని భావిస్తున్నారు. తెలుగు, తమిళ, కన్నడ, మలయాళ, హిందీ భాషల్లో 'యశోద'ను విడుదల చేయనున్నారు.
సుధీర్బాబు కొత్త సినిమా లాంఛనంగా ప్రారంభమైంది. నటుడు-రచయిత హర్షవర్ధన్.. ఈ చిత్రానికి దర్శకత్వం వహించనున్నారు. సునీల్ నారంగ్-పుష్కుర్ రామ్మోహన్ సంయుక్తంగా ఈ సినిమాను నిర్మిస్తున్నారు. హీరోయిన్, ఇతర నటీనటులు, సినిమాకు సంబంధించిన పూర్తి వివరాలు త్వరలో ప్రకటిస్తామని చిత్రబృందం వెల్లడించింది.
ముద్దుగుమ్మ నజ్రియా నజిమ్కు 'అంటే సుందరానికి!' టీమ్ పుట్టినరోజు శుభాకాంక్షలు చెప్పింది. ఆమె కొత్త స్టిల్ను విడుదల చేసింది. నేచురల్ స్టార్ నాని.. ఈ సినిమాలో హీరోగా నటిస్తున్నారు.
కామెడీ ఎంటర్టైనర్గా తెరకెక్కుతున్న ఈ సినిమాకు 'బ్రోచేవారెవరురా' ఫేమ్ వివేక్ ఆత్రేయ దర్శకత్వం వహిస్తున్నారు. ప్రస్తుతం ఈ చిత్ర షూటింగ్ జరుగుతోంది.
దుల్కర్ సల్మాన్ కొత్త సినిమా ఫస్ట్లుక్ను తెలుగులో నాగార్జున-అమల.. మంగళవారం ఉదయం రిలీజ్ చేయనున్నారు. అలానే ఆది 'అతిథి దేవోభవ' టీజర్ కూడా మంగళవారం ఉదయమే విడుదల కానుంది.
ఇవీ చదవండి:
