బాలయ్యతో సినిమా.. రాజమౌళి భయం అదే!

author img

By

Published : Dec 18, 2021, 6:05 PM IST

Updated : Dec 18, 2021, 8:22 PM IST

balayya rajamouli

Unstoppable with nbk: 'అన్​స్టాపబుల్ విత్ ఎన్​బీకే' షోకు వచ్చిన స్టార్ డైరెక్టర్ రాజమౌళి.. పలు ఆసక్తికర విషయాల్ని చెప్పారు. 'మగధీర' కథ మొదట బాలయ్య దగ్గరికే తీసుకెళ్లిన అంశాల్ని గుర్తుచేసుకున్నారు.

Balayya rajamouli cinema: సినిమా తీసేటప్పుడు తాను హీరో కష్టసుఖాల గురించి ఆలోచించనని అగ్ర దర్శకుడు రాజమౌళి(Rajamouli) అన్నారు. ఒకవేళ బాలకృష్ణతో సినిమా చేస్తుంటే తన వ్యవహారశైలి వల్ల ఆయనకు ఏమైనా కోపం వస్తుందేమోనన్న భయంతోనే సినిమా చేయడానికి ముందుకు రాలేదని చెప్పుకొచ్చారు.

బాలకృష్ణ వ్యాఖ్యాతగా ఆహా ఓటీటీలో ప్రసారమవుతున్న టాక్‌ షో 'అన్‌స్టాపబుల్‌ విత్‌ ఎన్‌బీకే'(Unstoppable With NBK). ఈ షోకు ప్రముఖ దర్శకుడు ఎస్‌.ఎస్‌.రాజమౌళి, సంగీత దర్శకుడు ఎం.ఎం.కీరవాణి విచ్చేసి సందడి చేశారు.

"ఇప్పటివరకూ మన కాంబినేషన్‌ పడలేదు. నా అభిమానులు మిమ్మల్ని 'బాలయ్యతో సినిమా ఎప్పుడు చేస్తారు' అని అడిగితే 'బాలకృష్ణను నేను హ్యాండిల్‌ చేయలేను' అన్నారట ఎందుకు?" అని బాలయ్య ప్రశ్నించగా.. "భయంతోనే అలా అన్నాను. చిన్న వాళ్ల దగ్గరి నుంచి పెద్ద వాళ్ల వరకూ మీరు అందరికీ గౌరవం ఇస్తారు. చాలా పద్ధతిగా ఉంటారు. నేను సినిమా షూటింగ్‌ చేసేటప్పుడు ఎలా ఉంటానో నాకు తెలియదు. నాకు ఎవరైనా 'గుడ్‌ మార్నింగ్‌' చెబితే చిరాకు. షాట్‌ పెట్టుకుని పక్కన హీరో ఎండలో నిలబడ్డాడా? వానలో నిలబడ్డాడా? అన్నది చూడను. నా ఫ్రేమ్‌ రెడీ అయ్యే వరకూ హీరో కష్ట సుఖాలు ఆలోచించలేను. ఒక వేళ మిమ్మల్ని డైరెక్ట్‌ చేయాల్సి వస్తే, మీకేమైనా కోపం వస్తుందేమోనని భయం. నాకు అదే టెన్షన్" అని రాజమౌళి సమాధానం ఇచ్చారు.

వెంటనే అందుకున్న బాలకృష్ణ "‌నేను ఒకసారి క్యారావ్యాన్‌లోని నుంచి బయటకు వస్తే, ఆ రోజు షూటింగ్‌ అయ్యే వరకూ లోపలకి వెళ్లను గొడుగు పట్టనివ్వను" అని బాలయ్య చెప్పుకొచ్చారు.

మీరు సినిమా చేయడానికి రెండు మూడేళ్లు ఎందుకు పడుతోంది? అని ప్రశ్నించగా, "నేను మైండ్‌లో అనుకున్న విధంగా వస్తుందా? లేదా? అని రోజూ భయపడుతూ ఉంటాను. అందుకే ఒకటికి, రెండుసార్లు ప్రతిదీ చెక్‌ చేసుకుంటా. ఎందుకంటే సినిమా చూడటానికి వచ్చిన ప్రేక్షకుడికి పూర్తి వినోదం అందించాలి" అని జక్కన్న సమాధానం ఇచ్చారు.

  • " class="align-text-top noRightClick twitterSection" data="">

'స్టూడెంట్‌ నెం.1' కంటే ముందు నన్ను కలిశారా?నాకు ఒక కథ చెప్పారనుకుంటా. అదే ఆ తర్వాత రామ్‌చరణ్‌తో తీశారా? అని బాలయ్య అడగ్గా, 'నాన్నగారి దగ్గర అసిస్టెంట్‌గా పనిచేసినప్పుడు రెండుమూడుసార్లు కలిశా. ఆ తర్వాత 'ఛత్రపతి' సమయంలో 'మగధీర' కథ చెప్పాను" అని రాజమౌళి తెలిపారు.

ఇక 'మీతో సినిమా చేస్తే, హీరోకు, ఇండస్ట్రీకి ఇస్తారు. కానీ, ఆ హీరో తర్వాతి రెండు, మూడు సినిమాలు ఫసక్‌ అట కదా' అని బాలయ్య అనగా, 'నాకు ఎటువంటి సంబంధం లేదు. నా సినిమా వరకూ నేను బాధ్యతతో ఉంటా' అంటూ రాజమౌళి నవ్వేశారు. తనకు చిన్నప్పటి నుంచి పెద్ద పెద్ద సినిమాలు తీయాలని ఉండేదని, ఎప్పటికైనా 'బెన్‌హర్‌'లాంటి చేయాలన్న ఆలోచనతో ఉండేవాడినని రాజమౌళి చెప్పుకొచ్చారు.

ఇవీ చదవండి:

Last Updated :Dec 18, 2021, 8:22 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.