ఓ సంగీత ఉపాధ్యాయురాలిని ప్రేమ పేరుతో మోసం చేసిన వ్యక్తిని పోలీసులు అదుపులోకి తీసుకున్నారు. ఓ పాఠశాలలో ఉపాధ్యాయురాలుగా పనిచేస్తున్న యువతికి ఫేస్‌బుక్‌లో తెలంగాణలోని బంజారాహిల్స్‌కు చెందిన కరణ్‌రెడ్డి అనే వ్యక్తితో పరిచయం ఏర్పడింది. వారిద్దరి మధ్య స్నేహం చిగురించింది. యువతి ఆర్థిక సమస్యలు తీరుస్తానని ఆమెను లోబరుచుకున్నట్టు... బాధితురాలు పోలీసులకిచ్చిన ఫిర్యాదులో పేర్కొంది.
ఆ తర్వాత తన ఫోన్‌ నెంబర్లను కరణ్‌రెడ్డి బ్లాక్‌ చేసుకున్నాడు. భార్యతో కలిసి యువతిని బెదిరించగా... బాధితురాలు పోలీసులకు ఫిర్యాదు చేసింది. తొలుత ఉస్మానియా క్యాంపస్‌ పోలీస్‌స్టేషన్‌లో ఫిర్యాదు చేయగా... జీరో ఎఫ్‌ఐర్‌ కింద కేసును బంజారాహిల్స్‌ పోలీస్‌స్టేషన్‌కు బదిలీ చేశారు. ఈ మేరకు కరణ్‌ను అదుపులోకి తీసుకున్న పోలీసులు విచారణ జరుపుతున్నారు.
ఇదీ చదవండి: సుబ్బయ్య హత్య కేసులో ఎమ్మెల్యే పేరు చేర్చాలని లోకేష్ ధర్నా- దిగొచ్చిన పోలీసులు
