POWER WEIGHT LIFTER BHARAT: టర్కీలో జరిగిన ఆసియా క్రీడల్లో కాంస్య పతకం సాధించిన పందిళ్ల భరత్ కుమార్ను మంత్రి వెల్లంపల్లి శ్రీనివాసరావు సన్మానించారు. ఈ సందర్భంగా మాట్లాడుతూ.. విద్యార్థులు చదువుతోపాటు క్రీడల్లోనూ రాణించాలన్నారు. విజయవాడలోని కెబిఎన్ కళాశాలలో.. పవర్ వెయిట్ లిప్టర్ భరత్ను మంత్రితోపాటు కళాశాల యాజమాన్యం ఘనంగా సన్మానించింది.
అంతర్జాతీయ స్థాయిలో తెలుగువాడు.. దేశం గర్వంచదగ్గ పతకం తీసుకురావడం తమకు సంతోషంగా ఉందని కళాశాల యాజమాన్యం తెలిపింది. పవర్ వెయిట్ లిప్టింగ్లో మరింతగా రాణించేందుకు.. భరత్కు అవసరమైన అన్ని సదుపాలయాలు ప్రభుత్వం తరపున కల్పిస్తామని మంత్రి వెల్లంపల్లి హామీ ఇచ్చారు. మూడేళ్లుగా కష్టపడి.. పతకాన్ని సాధించినట్లు క్రీడాకారుడు భరత్ పేర్కొన్నాడు. ఆర్థిక ఇబ్బందులు ఉన్నా.. కళాశాల యాజమాన్యం సహకారంతో ముందుకు వెళ్లినట్లు చెప్పాడు.
ఇదీ చదవండి: మమ్మల్ని అవమానిస్తున్నారు.. ప్రభుత్వ వైఖరి మారకపోతే ఉద్యమిస్తాం: ఉద్యోగ సంఘాల నేతలు