Machilipatnam Port: బందర్ పోర్టు నిర్మాణానికి అవసరమైన భూములు అప్పగించకుంటే...నిర్మాణం ఎలా పూర్తిచేస్తామని నవయుగ సంస్థ హైకోర్టుకు తెలిపింది. ఒప్పందం మేరకు ప్రభుత్వం తమకు భూములు అప్పగించడంలో విఫలమైందని వివరించింది. 2021లో జారీ చేసిన జీవో పరిశీలిస్తే...మొదటి దశ భూములు సేకరించాల్సి ఉందని తెలుస్తోందన్నారు. భూములు అప్పగించకుండా పోర్టు నిర్మాణం ఎలా సాధ్యమని...మొత్తం భూమిని ఒకేసారి అప్పగించాల్సిన బాధ్యత ప్రభుత్వంపై ఉందని తెలిపింది.
పోర్టు నిర్మాణ పనులను ప్రభుత్వం మూడోపక్షానికి అప్పగించే యోచనలో ఉందని... అందుకే యథాతథస్థితి ఉత్తర్వులివ్వాలని కోరింది. రాష్ట్ర ప్రభుత్వం తరపున వాదనలు వినిపించి ఏజీ...మొత్తం భూమిని ఒకేసారి అప్పగించాల్సిన అవసరం లేదని, నవయుగ సంస్థ ఒప్పంద షరతులకు కట్టుబడలేదని తెలిపారు, నిబంధనలు ఉల్లంఘిస్తే ఒప్పందం రద్దు చేసుకునే అధికారం ప్రభుత్వానికి ఉందన్నారు. ఈ అంశాన్ని పరిగణలోకి తీసుకుని సింగిల్‌ జడ్జి ఉత్తర్వులను నిలుపుదల చేస్తూ మధ్యంతర ఉత్తర్వులు ఇవ్వొద్దని కోరారు. ఇరువైపుల వాదనలు విన్న ధర్మాసనం తీర్పు రిజర్వ్ చేసింది.
ఇవీ చదవండి:
