శంకరనారాయణను ఓడించడమే నా లక్ష్యం: వైసీపీ రెబల్​ అభ్యర్థి జీవీ రమణారెడ్డి - YCP Rebel GV Ramana Reddy

YCP Rebel Candidate GV Ramana Reddy Comment on Sankara Narayana : రానున్న ఎన్నికల్లో అనంతపురం వైసీపీ ఎంపీ అభ్యర్థిగా పోటీ చేస్తున్న ఎం.శంకర నారాయణను ఓడించడమే తమ లక్ష్యమని అధికార పార్టీ రెబల్​ అభ్యర్థి, మాజీ సింగిల్​ విండో అధ్యక్షుడు జీవీ రమణా రెడ్డి అన్నారు. సీఎం జగన్​ మోహన్​ రెడ్డి మీద ఉన్న అభిమానంతో గత ఎన్నికల్లో పెనుకొండ నియోజకవర్గం ఎమ్మెల్యేగా ఎం. శంకర నారాయణను గెలిపించామని ఈ సందర్భంగా గుర్తు చేసుకున్నారు. ఆయన ఎమ్మెల్యే అయిన తరువాత స్థానిక నాయకులపైనే కేసులు బనాయించి ఆర్థిక ఇబ్బందులు పెట్టారని ఆవేదన వ్యక్తం చేశారు.

రాష్ట్ర చరిత్రలో రెండు సార్లు చెప్పులు విసిరించుకున్న నేత శంకర్​నారయణ అని జీవీ రమణా రెడ్డి ఎద్దేవా చేశారు. పెనుకొండ నియోజకవర్గంలో లేఅవుట్​, ఇల్లు నిర్మాణం చేపట్టిన వారి నుంచి అక్రమంగా నగదును తీసుకున్నారని ఆరోపించారు. ఈ విషయాన్ని పార్టీ అధిష్ఠానం దృష్టికి తీసుకెళ్దామని ప్రయత్నించినా అవకాశం దొరకలేదని ఆవేదన వ్యక్తం చేశారు. ఇప్పటికైనా శంకర నారాయణను వైసీపీ అభ్యర్థిగా తొలగించాలని డిమాండ్​ చేశారు. లేని పక్షంలో తాను వైసీపీ రెబల్​ అభ్యర్థిగానే కొనసాగుతానని పేర్కొన్నారు.