Team India Squad 5th Test:ఇంగ్లాండ్తో జరగనున్న ఐదో టెస్టుకు బీసీసీఐ భారత్ జట్టును ప్రకటించింది. స్టార్ బ్యాటర్ కే ఎల్ రాహుల్ గాయం కారణంగా ఈ టెస్టుకు కూడా ఎంపిక కాలేదు. నాలుగో టెస్టుకు దూరంగా ఉన్న జస్ప్రీత్ బుమ్రా ఆఖరి మ్యాచ్లో రీ ఎంట్రీ ఇవ్వనున్నాడు. కాగా, భారత్- ఇంగ్లాండ్ మధ్య చివరి టెస్టు మ్యాచ్ మార్చి 07న ప్రారంభం కానుంది. ఈ మ్యాచ్కు ధర్మశాల మైదానం వేదిక కానుంది.
ఇక యంగ్ ఆల్రౌండర్ వాషింగ్టన్ సుందర్ను జట్టు నుంచి రిలీజ్ చేశారు. సుందర్ 2024 రంజీ ట్రోఫీలో తమిళనాడు తరఫున సెమీఫైనల్ మ్యాచ్ ఆడనున్నాడు. ఈ సెమీస్ మ్యాచ్ మార్చి 02- 06 మధ్య జరగనుంది. ఈ మ్యాచ్ తర్వాత ఒకవేళ జట్టుకు సుందర్ అవసరమైతే అతడు టీమ్ఇండియాలో చేరతాడని బీసీసీఐ పేర్కొంది. మరోవైపు లండన్ వైద్యుల పర్యవేక్షనలో ఉన్న రాహుల్ గురించి ఎప్పటికప్పుడు ఫాలోఅప్ అవుతున్నట్లు బీసీసీఐ తెలిపింది. ఇక సర్జరీ పూర్తి చేసుకున్న పేసర్ మహ్మద్ షమీ త్వరలోనే బెంగళూరు ఎన్సీఏలో చేరతాడని చెప్పింది.
ఇక స్వదేశంలో జరుగుతున్న భారత్ ఒక మ్యాచ్ మిగిలుండగానే 3-1తో సిరీస్ను దక్కించుకుంది. హైదరాబాద్లో జరిగిన తొలి మ్యాచ్లో భారత్ ఓడినప్పటికీ, తర్వాత విశాఖపట్టణం, రాజ్కోట్, రాంచీ టెస్టుల్లో వరుసగా నెగ్గి హ్యాట్రిక్ నమోదు చేసింది. ఈ క్రమంలో టెస్టుల్లో ఇంగ్లాండ్ బజ్బాల్ వ్యూహాన్ని అనుసరిస్తున్న తర్వాత తొలిసారి సిరీస్ను కోల్పోయింది. అటు కెప్టెన్ బెన్స్టోక్స్ కెప్టెన్సీలో ఇంగ్లాండ్ టెస్టుల్లో వరుసగా మూడు మ్యాచ్లు ఓడడం కూడా ఇదే తొలిసారి.
భారత జట్టు: రోహిత్ శర్మ (కెప్టెన్), జస్ప్రీత్ బుమ్రా (వైస్ కెప్టెన్), యశస్వి జైస్వాల్, శుభ్మన్ గిల్, రజత్ పటీదార్, సర్ఫరాజ్ ఖాన్, ధ్రువ్ జురెల్ (వికెట్ కీపర్), కెఎస్ భరత్ (వికెట్ కీపర్), దేవదత్ పడిక్కల్, అశ్విన్, రవీంద్ర జడేజా, అక్షర్ పటేల్, కుల్దీప్ యాదవ్ , మహ్మద్ సిరాజ్, ముకేశ్ కుమార్, ఆకాష్ దీప్.
