IPL 2024 RCB VS Mumbai Indians : వాంఖ‌డే మైదానం వేదికగా రాయల్ ఛాలెంజర్స్ బెంగళూరు(ఆర్సీబీ)తో జరిగిన మ్యాచులో ముంబయి ఇండియన్స్ విజయం సాధించింది. ఈ విజయంలో కీలకంగా వ్యవహరించిన బౌలర్ జ‌స్ప్రీత్ బుమ్రా అరుదైన రికార్డును తన ఖాతాలో వేసుకున్నాడు. తన నాలుగు ఓవ‌ర్ల కోటాలో కేవ‌లం 21 ప‌రుగులే ఇచ్చి 5 వికెట్లు తీశాడు. అలా ఈ ప్ర‌ద‌ర్శ‌న‌తో ఐపీఎల్లో బెంగళూరు జట్టుపై 5 వికెట్లు తీసిన తొలి బౌల‌ర్‌గా నిలిచాడు. దీంతో చివ‌రిగా ఆశిష్ నెహ్రా(సీఎస్కే) ఆర్సీబీపై తీసిన 4 వికెట్ల రికార్డ్ బ్రేక్ అయింది.
Bumrah Five Wickets : ఇంకా ఐపీఎల్లో రెండుసార్లు 5 వికెట్ల ప్రదర్శన చేసిన, నాలుగో బౌలర్గానూ రికార్డు కొట్టాడు. అతడి కన్నా ముందు జేమ్స్ ఫాల్క్నర్, జయదేవ్ ఉనాత్కత్, భువనేశ్వర్ కుమార్ ఈ ఫీట్ సాధించారు.
అలాగే ఆర్సీబీపై అత్య‌ధిక వికెట్లు (29) తీసిన బౌలర్గానూ మరో ఫీట్ అందుకున్నాడు.
ఐపీఎల్ చ‌రిత్ర‌లో అత్య‌ధికంగా 3 వికెట్ల హాల్ తీసిన బౌలర్గానూ అవ‌త‌రించాడు. ఇప్పటివరకు అతడు ఏకంగా ఈ మూడు వికెట్ల ప్రదర్శనను 21 సార్లు నమోదు చేశాడు.
ఐపీఎల్లో విరాట్ కోహ్లీని అత్య‌ధిక సార్లు (5) పెవిలియ‌న్ పంపించిన బౌలర్గానూ నిలిచాడు.
చెత్త రికార్డు - ఇక ఈ మ్యాచ్లో ఆస్ట్రేలియా స్టార్ గ్లెన్ మ్యాక్స్‌వెల్ ఓ చెత్త రికార్డును నమోదు చేశాడు. ఐపీఎల్లో అత్య‌ధిక‌సార్లు (17) డ‌కౌట్ అయిన ఆట‌గాడిగా దినేశ్ కార్తీక్, రోహిత్ శ‌ర్మ స‌ర‌స‌న నిలిచాడు.
కాగా, ఈ మ్యాచ్లో ముంబయి ఇండియన్స్ అదిరే ప్రదర్శన చేసింది. రాయల్ ఛాలెంజర్స్ బెంగళూరు విధించిన 197 ప‌రుగుల ల‌క్ష్యాన్ని కేవ‌లం 15.3 ఓవ‌ర్ల‌లోనే ఛేదించింది. 27 బంతులు మిగిలి ఉండగానే కేవ‌లం మూడు వికెట్లు మాత్రమే కోల్పోయి మ్యాచ్ను ముగించింది. ముంబయి బ్యాట‌ర్ల‌లో ఇషాన్ కిష‌న్ (69), సూర్య‌కుమార్ యాద‌వ్ (52) హాఫ్ సెంచ‌రీల‌తో హీరోలుగా మారారు. అంతకుముందు హ్యాట్రిక్ పరాజయాలతో ఈ సీజన్ను పేలవంగా ప్రారంభించింది ముంబయి ఇండియన్స్. ఆ తర్వాత దిల్లీ క్యాపిటల్స్ను ఓడించి బోణీ కొట్టింది. ఇప్పుడు ఆర్సీబీని చిత్తుగా ఓడించింది.
బెంగళూరు చిత్తు - హై స్కోరింగ్ మ్యాచ్లో ముంబయి విజయం - MI vs RCB IPL 2024
చీటింగ్ కేస్ - హార్దిక్‌ పాండ్య సోదరుడు అరెస్ట్! - Hardik Pandya cousin arrest
