ఈ యోగాసనాలతో మీ జ్ఞాపకశక్తి ఫుల్లుగా పెరిగిపోతుంది - విద్యార్థులకు సూపర్ బెనిఫిట్స్!

author img

By ETV Bharat Telugu Team

Published : Feb 28, 2024, 1:02 PM IST

Yoga Asanas For Concentration

Yoga Asanas For Concentration : మనసు ప్రశాంతంగా ఉంటే.. హెల్దీగా ఉంటుంది. అలా కాకుండా నిత్యం ఆందోళనగా ఉందంటే.. బ్రెయిన్​ పై ప్రెజర్ పెరిగిపోతూ ఉంటుంది. ఫలితంగా.. మతిమరుపు మొదలవుతుంది. ఈ పరిస్థితిని చక్కదిద్దాలంటే యోగాసనాలు మంచి మందు అంటున్నారు నిపుణులు. మరి.. ఎలాంటి ఆసనాలు వేయాలో ఇప్పుడు చూద్దాం.

Yoga Asanas For Concentration : బిజీ లైఫ్​లో అందరూ ఒత్తిడి అనుభవిస్తున్నారు. బ్రెయిన్​పై పెరుగుతున్న ఈ ప్రెజర్​ కారణంగా.. చాలా మంది జ్ఞాపకశక్తిని కోల్పోతున్నారు. ఈ మతిమరుపు వల్ల చేసే పనిపై ఏకాగ్రత నిలపలేకపోతున్నారు. ఈ పరిస్థితి మెదడుపై మరింత ఒత్తిడి పెంచుతోంది. ఇలా.. ఈ సైకిల్​లో పడి ఎంతో మంది మానసికంగా నలిగిపోతున్నారు. ఈ సమస్యను తగ్గించుకోవడానికి రోజూ సమతుల ఆహారం తీసుకోవడంతోపాటు కొన్ని యోగాసనాలను వేయడం ద్వారా.. కొద్ది రోజుల్లోనే మంచి ఫలితం కనిపిస్తుందని నిపుణులు చెబుతున్నారు. మరి.. ఆ యోగాసనాలు ఏంటో ఇప్పుడు చూద్దాం.

Yoga Asanas For Concentration
హలాసనం

1.హలాసనం :

  • ముందుగా వెల్లకిలా పడుకొని, చేతులను తిన్నగా చాపి, అరచేతులు నేలకు తాకించేలా ఉంచాలి.
  • ఇప్పుడు కాళ్లను పైకి లేపి, మడమలను పిరుదులకు తాకించాలి. మోకాళ్లను పొట్ట వద్దకు తీసుకురావాలి.
  • మెల్లిగా శ్వాసను వదులుతూ ఒక్క ఉదుటున కాళ్లను పైకి లేపాలి. నెమ్మదిగా పాదాలను తల వెనక వైపునకు తీసుకురావాలి. కాలి వేళ్లు నేలను తాకే విధంగా ఉండాలి.
  • అరచేతులతో నేలను బలంగా నొక్కుతూ స్థిరంగా పెట్టండి.
  • చూపును నాభి మీదకు ఉండేలా చూసుకోవాలి. ఇలా చేస్తూ మెడను వంచ కూడదు.
  • శ్వాస మామూలుగా తీసుకుంటూ రెండు నిమిషాలు అలాగే ఉండి మునుపటి స్థితికి రావాలి.

Halasana Benefits: ఒత్తిడి తగ్గించే ఆసనం ఇదే!

వీరు చేయకూడదు :

హైబీపీ, గుండెజబ్బులు, చెవిలో చీము, జలుబు, మెడనొప్పి ఉన్నవారు, గర్భిణులు ఈ ఆసనం చేయకూడదు.

Yoga Asanas For Concentration
వృక్షాసనం

2.వృక్షాసనం :

  • వృక్షాసనాన్ని 'ట్రీ పోజ్' అని కూడా అంటారు.
  • ఈ ఆసనం వేయడానికి ముందుగా నిటారుగా నిలబడాలి. తర్వాత పాదాలు దగ్గరగా ఉంచాలి. ఇప్పుడు చేతులు స్వేచ్ఛగా వదిలేయాలి.
  • మెల్లిగా శ్వాస తీసుకుంటూ కుడిపాదాన్ని ఎడమకాలు పిక్క లేదా తొడకింద ఉంచాలి. ఇప్పుడు నిదానంగా శ్వాస వదలండి.
  • మళ్లీ శ్వాస తీసుకుంటూ రెండు చేతులను పైకెత్తి ఫొటోలో చూపినట్టు నమస్కారం చేయాలి. ఈ ఆసనాన్ని 20 సెకండ్లు చేయాలి.
  • ఈ ఆసనం చేసేటప్పుడు నిదానంగా శ్వాస పీల్చాలి.
  • తర్వాత చేతులు కిందికి తెచ్చి, కుడికాలును దించేసి మామూలు స్థితిలోకి రావాలి.
  • ఇప్పుడు ఎడమపాదాన్ని కుడికాలు తొడకింద ఉంచి, చేతులు పైకెత్తి నమస్కార ముద్రలో నిలబడాలి. ఈ ఆసనాన్ని కూడా 20 సెకండ్లు పాటు కొనసాగించండి.

వీరు చేయకూడదు :
కండ్లు తిరుగుతున్నట్టు, అలాగే తల తిరుగుతూ వాంతులు అవుతున్నట్టు అనిపించే వారు ఈ ఆసనం వేయకూడదు.

Yoga Asanas For Concentration
పశ్చిమోత్తాసనం

3.పశ్చిమోత్తనాసనం :

  • మొదట నేలపై రెండు కాళ్లు ముందుకు చాచి ఫ్రీగా కూర్చోవాలి.
  • ఇప్పుడు శరీరాన్ని ముందుకు వంచుతూ పొట్టను తొడలపై అనేలా ఉంచాలి. అలాగే తలను మోకాళ్లపై పెట్టే విధంగా చూసుకోవాలి.
  • తర్వాత రెండు చేతులను ముందుకు చాచి రెండు పాదాలను గట్టిగా పట్టుకోవాలి.
  • ఈ ఆసనం చేసేటప్పుడు రెండు మోకాళ్లు, చేతులు నిటారుగా ఉండాలి.
  • వెన్నుపూస వీలైనంతవరకూ పైకి లేవకుండా నిటారుగా పడుకోబెట్టేలా చూసుకోవాలి.
  • ఇలా ఒక 20-30 సెకండ్ల వరకూ ఉండాలి. తర్వాత రిలాక్స్‌ అవ్వాలి.

వీరు చేయకూడదు :
గర్భిణులు, హైబీపీ, గుండె సంబంధిత సమస్యలున్నవారు ఈ ఆసనం చేయకూడదు.

Yoga Asanas For Concentration
సర్వాంగాసనం

4.సర్వాంగాసనం :

  • ముందుగా వెల్లకిలా పడుకుని మోకాళ్లను మడచి, మడమలను పిరుదులకు తాకేలా ఉంచాలి.
  • ఇప్పుడు మోకాళ్లను లేపి పొట్ట వైపునకు తీసుకురావాలి. చేతులను నడుముకు ఆనించి, మెల్లిగా తుంటిని పైకి లేపాలి.
  • ఇప్పుడు భుజాలు, మోచేతులు నేలకు ఆనించి ఉంచాలి. తర్వాత కాళ్లను తిన్నగా పైకి చాచాలి.
  • ఇది కీలకమైన దశ. ఈ పోజినషన్‌లో శరీరం తూలిపోకుండా నియంత్రణలో ఉండేలా చూసుకోవాలి.
  • శ్వాసను మెల్లిగా తీసుకోవాలి.
  • ఈ ఆసనం చేస్తున్నప్పుడు కళ్లు మూసుకోవాలి. రెండు నిమిషాల తర్వాత నెమ్మదిగా తిరిగి మామూలు స్థితికి రావాలి.

వీరు చేయకూడదు :
ఈ ఆసనాన్ని అధిక రక్తపోటు, గుండెజబ్బులు, చెవిలో చీము, మెడనొప్పి వంటి సమస్యలు ఉన్నవారు, గర్భిణులు వేయకూడదు.

జుట్టు రాలుతోందా? - రండి యోగా చేద్దాం!

చలికాలంలో కీళ్లనొప్పులు వేధిస్తున్నాయా? ఈ ఆసనాలతో రిలీఫ్​!

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.