ఏ సమయంలో నిద్రపోతే గుండె ఆరోగ్యానికి మంచిది? రోజుకు ఎంత సేపు పడుకుంటే బెస్ట్​?

author img

By ETV Bharat Telugu Team

Published : Mar 2, 2024, 9:01 AM IST

Best Bedtime For Heart Health

Best Bedtime For Heart Health : ఆరోగ్యవంతమైన జీవనవిధానంలో నిద్రకు చాలా ప్రాముఖ్యం ఉంది. అందుకే వైద్యులు తగినంత సమయం నిద్రపోవాలని సలహా ఇస్తుంటారు. తగినంత సమయం నిద్రపోనప్పుడు గుండెకు సంబంధిన ఆరోగ్యసమస్యలు తలెత్తే అవకాశం ఉందని హెచ్చరిస్తున్నారు వైద్యులు. ఈ మధ్య చేసిన అధ్యయనాల్లో నిద్రలేమి వల్ల పెద్ద ప్రమాదం పొంచి ఉందని తేలింది. తగినంద నిద్రలేకుంటే వచ్చే ఆరోగ్య సమస్యలు సమస్యలేంటి? గుండె ఆరోగ్యానికి ఎంత సమయం నిద్రపోతే మంచిది అనే విషయాలపై వైద్యుల సూచనలు మీ కోసం.

Best Bedtime For Heart Health : ఆరోగ్యంగా ఉండేందుకు పోషకాహారాలు ఎంత అవసరమో నిద్రకూడా అంతే అవసరమని చెబుతున్నారు వైద్యులు. మన ఆరోగ్యంపై నిద్ర తీవ్ర ప్రభావం చూపిస్తుందని సూచిస్తున్నారు. తగినంత నిద్రపోనట్లయితే అనారోగ్యం బారిన పడే అవకాశం ఉందని హెచ్చరిస్తున్నారు. మరి అంతటి ప్రాముఖ్యం ఉన్నటువంటి నిద్ర గురించి ప్రతి ఒక్కరు తెలుసుకోవడం తప్పనిసరి. సరిగా నిద్రపోనట్లయితే ఎలాంటి ఆరోగ్య సమస్యలు వస్తాయి? రోజుకు ఎన్నిగంటలు నిద్రపోతే గుండె ఆరోగ్యానికి మంచిది అనే ప్రశ్నలకు సమాధానాలు తెలుసుకుందాం.

ప్రతి మనిషి తగినంత నిద్రపోతే ఎలాంటి ఆరోగ్య సమస్యలు తలెత్తవు. కానీ ఎప్పుడైతే నిద్ర సమయం తగ్గుతుందో అప్పుడు సమస్యలు వస్తాయి. సాధారణంగా ఒక మనిషి ఆరోగ్యంగా ఉండాలంటే ఆరు నుంచి ఎనిమిది గంటల నిద్రపోవాలని వైద్యులు సూచిస్తుంటారు. ఒకవేళ అంతకన్నా తగ్గితే మాత్రం ఆరోగ్యపరంగా చిక్కులు ఎదుర్కోవాల్సి వస్తుందని నిపుణులు సలహా ఇస్తుంటారు. నిద్రలేమి వల్ల వచ్చే ఇబ్బందులు గురించి మరింత వివరంగా తెలుసుకుందాం.

'గుండె ఆరోగ్యానికి నిద్రముఖ్యం'
తగినంత సమయం నిద్రపోకపోవడం వల్ల గుండె సంబంధిత సమస్యలు వచ్చే అవకాశం ఉందని ప్రముఖ వైద్యులు ముఖర్జీ తెలిపారు. చాలామంది నిద్రను నిర్లక్ష్యం చేస్తుండటం వల్ల గుండెకు సంబంధించిన వ్యాధుల బాధితులుగా మారుతున్నారని వివరించారు. నిద్ర సరిగ్గాపోకపోతే గుండె జబ్బులు వచ్చే అవకాశాలు అధికంగా ఉన్నాయని అనేక అధ్యయనాల్లో తేలిందని చెప్పారు.

'6-8 గంటల నిద్ర తప్పనిసరి'
'6 గంటల కన్నా తక్కువ, 8గంటల కన్నా ఎక్కువ నిద్రపోయే వారికి గుండె సమస్యలు ఎక్కువగా వస్తున్నట్లు పలు అధ్యయనాలు చెబుతున్నాయి. అలాగే ఎన్ని గంటలు నిద్ర అనే ప్రాతిపదికన కాకుండా ఏ సమయంలో నిద్రకు ఉపక్రమిస్తున్నారనే దానిపై కూడా అధ్యయనాలు జరిగాయి. రాత్రి పది గంటల నుంచి పదకొండు గంటల ప్రాంతంలో నిద్రపోయే వారిలో గుండె సంబంధిత సమస్యలు తక్కువగా వస్తున్నాయి. ఆ తర్వాత నిద్రించే వారిలో గుండె సమస్యలు ఎక్కువగా వస్తున్నట్లు అధ్యయనం చెబుతుంది' ప్రముఖ కార్డియాలజిస్టు ఎంఎస్​ఎస్. ముఖర్జీ వెల్లడించారు.

ఇలా నిద్ర సమయం తక్కువగా ఉన్నా, లేదంటే సమయానికి నిద్రపోకపోయినా గుండె సమస్యలు తలెత్తే అవకాశాలు ఎక్కువగా ఉన్నాయని వైద్యులు హెచ్చరిస్తున్నారు. ఈ ప్రమాదం నుంచి బయట పడాలంటే సరైన సమయానికి, తగినన్ని గంటలు నిద్రపోవాలని సూచిస్తున్నారు. ఇక చాలామంది పిల్లలు, కొంతమంది పెద్దలు రాత్రిపూట టీవీలు, ఫోన్లు చూడటం వల్ల నిద్రపోవడానికి ఇబ్బందులు పడుతున్నారని, స్క్రీన్ టైమింగ్​ను తగ్గించుకోవడం ద్వారా ఈ సమస్య నుంచి బయటపడాలని వైద్యులు సలహా ఇస్తున్నారు. సరైన నిద్ర వల్ల ఒత్తిడి తగ్గి ఇతర ఆరోగ్యపరమైన ఇబ్బందులు కూడా దరిచేరవని నిపుణులు వివరిస్తున్నారు.

  • " class="align-text-top noRightClick twitterSection" data="">

ముఖ్య గమనిక : ఈ వెబ్​సైట్​లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.

రోజూ పాలు తాగితే చెడు కొలెస్ట్రాల్​ తగ్గుతుందా? నివేదికలు ఏం చెబుతున్నాయంటే?

ఈ ఫుడ్స్ తీసుకుంటే - మీ రోగనిరోధక శక్తి ఓ రేంజ్​లో పెరగడం పక్కా!

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.