Janhvi Kapoor On Gym Wear Photos: బాలీవుడ్‌ అందాల నటి జాన్వీ కపూర్, ప్రస్తుతం భారీ ప్రాజెక్టులతో బిజీ బిజీగా ఉంది. జాన్వీ సోషల్‌ మీడియాలో ఎప్పుడూ ట్రెండింగ్‌లో ఉంటుంది. తరచూ ఆమె ఫొటోలు, వీడియోలు వైరల్ అవుతుంటాయి. దీనిపై తాజాగా ఈ బాలీవుడ్‌ బ్యూటీ స్పందించింది. ఓ ఇంటర్వ్యూలో మాట్లాడుతూ, తన ఫొటోలు తీయవద్దని చెప్పినా, ఫ్రీల్యాన్స్‌ ఫొటోగ్రాఫర్‌(Paparazzi)లు వెంటపడుతుంటారని చెప్పింది. ఇంతకు ముందు కూడా ఈ అంశంపై జాన్వీ ఆందోళన వ్యక్తం చేసింది.
జిమ్‌ దగ్గర ఫొటోలు ఏంటి?
'ప్రజలు నేను టైట్‌ డ్రెస్‌లలో ఉన్నప్పుడు చూడటాన్ని నేను ఇష్టపడను. జిమ్‌కు వెళ్తున్నప్పుడు, వస్తున్నప్పుడు ఫొటోలు క్లిక్‌ చేయవద్దని పాపరాజ్జిలకు చెప్తుంటాను. వాళ్లను మూవీ ప్రమోషన్స్‌ టైమ్‌లో పిలవడం నిజమే. కానీ జిమ్‌కు పిలవను. నా కారును ఫాలో అయ్యి స్పాట్‌కు చేరుకుంటారు' అని జాన్వీ చెప్పింది.
సాధారణ ప్రజలు మేలు!
తనతో ఫొటోలు దిగడానికి, ఫొటోలు తీయడానికి చాలా మంది వచ్చేవారని (ప్రొఫెషనల్ ఫొటోగ్రాఫర్లు కాదు) చెప్పింది. అయితే జిమ్‌ బయట ఉండొద్దని మర్యాదపూర్వకంగా కోరానని, అప్పటి నుంచి వాళ్లను ఆ ప్లేస్‌లో చూడలేదని పేర్కొంది. బెస్ట్‌ థింగ్‌ ఏంటంటే ఫొటోలు తీయకండి, జిమ్‌ వద్దకు రావాలని ఎప్పుడూ పాపరాజ్జిలను కోరలేదని స్పష్టం చేసింది.
రాంగ్‌ యాంగిల్స్‌లో ఫొటోలు తీయడంపై జాన్వీ ఆగ్రహం
చాలా సార్లు పాపరాజ్జిల విషయంలో, ఫొటోలు తీయడంపై జాన్వీ ఆందోళన వ్యక్తం చేసింది. పొట్టి స్కర్ట్, టాప్ ధరించి బయటకు వచ్చినప్పుడు, ఆమె వెంటపడి ఫొటోలు తీస్తున్న పాపరాజ్జిలను వెంటపడి ఫొటోలు తీయవద్దని కోరడం వైరల్ అయింది. కొన్ని రోజుల క్రితం, రాంగ్‌ యాంగిల్స్‌లో ఫొటోలు తీసేవారిపై కూడా ఆమె ఆగ్రహం వ్యక్తం చేసింది. గలాట్ యాంగిల్స్ మత్ లిజియే అని పాపరాజ్జిపై విసుక్కుంది.
బ్యూటీ చేతిలో బోలెడు ఆఫర్లు
సినిమాల విషయానికి వస్తే, జాన్వీ ప్రస్తుతం, త్వరలో రిలీజ్‌ కాబోతున్న మిస్టర్ & మిసెస్ మహి ప్రమోషన్స్‌తో బిజీగా ఉంది. ఇందులో రూహి కోయాక్టర్‌ రాజ్‌కుమార్ రావ్‌తో తిరిగి నటిస్తోంది. మే 31న ఈ సినిమా రిలీజ్‌ కానుంది. అలానే టాలీవుడ్‌ స్టార్ జూనియర్ ఎన్టీఆర్‌తో దేవర సినిమాలో నటిస్తోంది. ఈ పాన్‌ ఇండియా మూవీ అక్టోబర్‌ 10న రిలీజ్‌ కానుంది. సుధాన్షు సరియా మూవీ ఉలాజ్, వరుణ్ ధావన్‌తో సన్నీ సంస్కారీ కి తులసి కుమారిలో అవకాశం అందుకుంది. రామ్చరణ్‌ సరసన కూడా ఓ ఆఫర్‌ అందుకుంది.
'దేవర'లో నా పాత్ర అలాంటిది- సీక్రెట్ రివీల్ చేసిన జాన్వీ! - Janhvi Kapoor Devara
క్రికెట్ బాల్తో స్టార్ హీరో పళ్లు విరగొట్టిన జాన్వీ! - Janvi Kapoor
