Heroine Tapsee Pannu Marriage : హీరోయిన్ తాప్సీ సీక్రెట్గా పెళ్లి చేసుకున్నట్లు తెలుస్తోంది. డెన్మార్క్‌ బ్యాడ్మింటన్‌ ప్లేయర్‌ మథియాస్‌ బోతో ఆమె చాలా కాలంగా రిలేషన్షిప్లో ఉంది. దాదాపు పదేళ్ల నుంచి వీరిద్దరూ కలిసి డేటింగ్ చేస్తున్నారు. అయితే తాజాగా ఈ లవ్ బర్డ్స్ వివాహబంధంతో ఒక్కటైనట్లు మీడియాలో వార్తలు కనిపిస్తున్నాయి. మార్చి 20నే ప్రీవెడ్డింగ్‌ వేడుకలు ప్రారంభమైనట్లు ఆ కథనాల్లో రాసి ఉంది. 23న ఉదయ్‌పుర్‌లో తాప్సీ- మథియాస్‌ బోతో పెళ్లి జరిగిందని అంటున్నారు. అత్యంత సన్నిహితులు మాత్రమే ఈ వివాహానికి హాజరైనట్లు సమాచారం అందుతోంది.
అలానే ఈ వార్తలకు బలం చేకూరేలా తాప్సీ బెస్ట్ ఫ్రెండ్‌, ప్రొడ్యూసర్‌ కనిక కూడా కొన్ని పిక్స్ను షేర్ చేసింది. నా స్నేహితుల పెళ్లిలో అంటూ రాసుకొచ్చింది. దీంతో కనిక ఈ పెళ్లికే వెళ్లిందంటూ పలువురు అభిప్రాయపడుతున్నారు. ఇంకా ఈ వేడుకకు బాలీవుడ్ దర్శకుడు అనురాగ్‌ కశ్యప్‌ కూడా వెళ్లినట్లు తెలుస్తోంది. అయితే ఈ విషయంపై అధికారిక ప్రకటన రాలేదు. దీంతో అందరూ అఫీషియల్ అనౌన్స్మెంట్ కోసం తాప్సీ అభిమానులు ఎదురుచూస్తున్నారు. ఇప్పటికే చాలా మంది తనకు శుభాకాంక్షలు తెలుపుతున్నారు.
ఇక్కడ ఫ్లాప్ - అక్కడ హిట్ : ఇకపోతే టాలీవుడ్లో సొట్ట బుగ్గల సుందరిగా తాప్సీ పేరు సంపాదించుకుంది. 'ఝమ్మంది నాదం' చిత్రంతో టాలీవుడ్కు ఎంట్రీ ఇచ్చిన ఈ భామను రింగుల జుట్టు సుందరి అని కూడా అంటుంటారు. మాస్ మహారాజా రవితేజ, మంచు మనోజ్, గోపిచంద్, ప్రభాస్ సహా పలువురు హీరోలతో కలిసి యాక్ట్ చేసింది. కానీ తెలుగులో ఎన్ని చిత్రాలు చేసినప్పటికీ స్టార్ స్టేటస్ రాలేదు. కోలీవుడ్లోనూ ఫెయిల్ అయింది. అనంతరం బాలీవుడ్ చెక్కేసి వరుసగా సినిమాలు చేస్తూ హిట్స్ను ఖాతాలో వేసుకుంది. ముల్క్ , బడ్లా, తప్పడ్ వంటి లేడీ ఓరియెంటెడ్ సినిమాలతో ఎక్కువగా విజయాలను అందుకుంది. రీసెంట్గా గతేడాది డిసెంబర్లో షారుక్ ఖాన్ డంకీ చిత్రంతో ప్రేక్షకుల అలరించింది. ఈ సినిమా ఆశించినంత స్థాయిలో ఆడలేదు.
'కల్కి' విషయంలో బాంబ్ పేల్చిన కమల్ హాసన్ - ఇలా షాకిచ్చారేంటి? - Kalki 2898 Ad kamal Haasan
కళ్లు చెదిరిపోయాయి వర్మ - 53ఏళ్ల వయసులో రమ్యకృష్ణ అందం వేరే లెవల్! - Ramya Krishna photoshoot
