விழுப்புரம்: இது தொடர்பாக மாவட்ட ஆட்சியர் விடுத்துள்ள அறிவிப்பில், "புகழ்பெற்ற மேல்மலையனூர் அங்காளம்மன் திருக்கோயிலில் வருகிற 24-ந் தேதி தேரோட்டம் வெகு விமர்சையாக நடைபெற இருக்கிறது. இதையொட்டி அன்று ஒரு நாள் மட்டும் விழுப்புரம் மாவட்டத்தில் உள்ள அனைத்து அரசு அலுவலகங்கள் மற்றும் கல்வி நிறுவனங்களுக்கு உள்ளூர் விடுமுறை அறிவிக்கப்பட்டுள்ளது.
பிப்ரவரி 24-ஆம் தேதி அவசர அலுவல்களை கவனிக்கும் பொருட்டு விழுப்புரம் மாவட்ட கருவூலமும் மற்றும் அனைத்து சார்நிலைக் கருவூலகங்களும் குறைந்த பணியாளர்களைக் கொண்டு இயங்கும் என்றும், மாணவ - மாணவிகளுக்கு 24-ஆம் தேதி அன்று பள்ளி இறுதித் தேர்வுகள் நடைபெறத் தேதி நிர்ணயிக்கப்பட்டிருப்பின் அந்த தேர்வுகள் அன்றைய தேதியில் வழக்கம் போல் நடைபெறும் என்றும் தெரிவிக்கப்பட்டுள்ளது. அத்துடன் உள்ளூர் விடுமுறை விடப்பட்டுள்ள 24-ஆம் தேதிக்குப் பதிலாக, விடுமுறையை ஈடு செய்யும் வகையில் மார்ச் 4-ஆம் தேதி (4.3.2023 - சனிக்கிழமை) பணி நாளாகும்." என அறிவிக்கப்பட்டுள்ளது.
இதையும் படிங்க: Gold rate today: மக்களே ரெடியா.. தங்கம் விலை ரூ.440 குறைவு!
