தூத்துக்குடி மாவட்டம் கோவில்பட்டி அருகேயுள்ள நாகலாபுரம் மனோன்மணியம் சுந்தரனார் மாதிரி உறுப்புக் கல்லூரியில் பயிலும் மாணவ-மாணவிகள் அக்கல்லூரியின் அருகேயுள்ள தேனம்மாள் முதியோர் இல்லத்தில் சமத்துவ பொங்கல் விழாவை கொண்டாடினர்.
இந்த முதியோர் இல்லத்தில் உள்ள 50க்கும் மேற்பட்ட முதியவர்களுடன் மாணவ - மாணவிகள் இணைந்து பொங்கல் வைத்து அன்பை பரிமாறிக்கொண்டனர். இதனைத் தொடர்ந்து கல்வியின் முக்கியத்துவம் குறித்த மாணவர்களின் நாடகமும், மாணவிகள் பங்கேற்ற கலை நிகழ்ச்சியும், சிலம்பாட்ட நிகழ்ச்சியும் நடைபெற்றது.
முதியோர் இல்லத்தில் உள்ள முதியவர்கள் மாணவர்களுடன் இணைந்து பொங்கல் விழா கொண்டாடிய அனுபவம் குறித்து பாடல்கள் பாடினர். இதனைத் தொடர்ந்து மாணவர்களுக்கு தமிழர்கள் பண்பாட்டில் பொங்கல் பண்டிகையின் முக்கியத்துவம் பற்றி கூறப்பட்டது.
இதையும் படிங்க: நீலகிரியில் ஹெத்தை அம்மன் திருவிழா கோலாகலம்!
