திருவள்ளூர் மாவட்டத்தில் முக்கிய பங்கு வகிக்கக்கூடிய நீர்த்தேக்கங்களில் ஒன்றான பூண்டி சத்தியமூர்த்தி நீர்த்தேக்கமானது, மூன்றாயிரத்து 732 கனஅடி கொள்ளவு கொண்டது. மேலும், 3.2 டிஎம்சி தண்ணீர் தேக்கி வைக்கக்கூடிய ஒரு நீர் தேக்கமாக விளங்கி வருகிறது.
கடந்த சில நாட்களாக தொடர்ந்து பெய்துவரும் கனமழையால், பூண்டி சத்தியமூர்த்தி நீர்த்தேக்கத்தில் ஒரே நாளில் 2428 கனஅடி மழைநீர் சேகரிக்கப்பட்டு, 1.2 டிஎம்சி நீர் உயர்ந்துள்ளது. மேலும், கிருஷ்ணா கால்வாய் வழியாக சத்தியமூர்த்தி நீர்த்தேக்கத்திற்கு கிடைக்கக்கூடிய நீரானது 497 கனஅடி ஆகும்.
மேலும், பூஞ்சை ஓடை, அல்லிகுழி ஓடை, பூண்டி ஓடை போன்ற ஓடைகளிலிருந்து வரக்கூடிய மழை நீரானது சத்தியமூர்த்தி நீர்த்தேக்கத்தில் சேகரிக்கப்படுகிறது. அற்றம்பாக்கம் அருகில் கட்டியுள்ள தடுப்பணைகளால் நீர் சேகரிக்கப்பட்டு வருகிறது. இதேபோல், ஆங்காங்கே தடுப்பு அணைகள் கட்டப்பட்டால் நீர் வீணாகாமல் சேகரிக்கப்படும் என்று மக்கள் கோரிக்கை வைத்துள்ளனர்.
இதையும் படிங்க: கனமழை காரணமாக ஆண்டியப்பனூர் அணையில் நீர்மட்டம் உயர்ந்தது!
