திண்டுக்கல்: பழனியில் திருமணத்திற்கு வாழ்த்து தெரிவிக்க, நாளிதழ் வடிவில் நண்பர்கள் வைத்த பிளக்ஸ் போர்டு அனைவரையும் கவர்ந்துள்ளது. பழனி அடுத்த கோதைமங்கலம் கிராமத்தைச்சேர்ந்தவர் கௌதம், இவர் சென்னையைச் சேர்ந்த வினிதா என்ற பெண்ணைக் காதலித்து திருமணம் செய்து கொள்கிறார்.
இவர்களது திருமணம் பழனியில் நடைபெற்றது. திருமணத்திற்கு கௌதமின் நண்பர்கள் நாளிதழ் போன்று வித்தியாசமான முறையில் பிளக்ஸ் பேனரை வடிவமைத்து வைத்தனர். நாளிதழில் வரும் தலைப்பு செய்தி, விளையாட்டு செய்தி போன்ற வாசகங்களுடன், மணமகன், மணமகள் மற்றும் நண்பர்கள் படங்களை குற்றவாளிகள் போன்றும் வடிவமைத்து நண்பர்கள் வைத்திருந்த பேனர் திருமணத்திற்கு வந்த உறவினர்களை வெகுவாகக் கவர்ந்தது. சிரிப்பலையினையும் உண்டாக்கியது.
