Thunivu: 6 மாத தாடி; அஜித் கெட்டப்பில் வந்த ரசிகர்!

தருமபுரி: நகரப் பகுதியில் 4 திரையரங்குகளில் அல்டிமேட் ஸ்டார் அஜித் நடித்த துணிவு 'thunivu' படம் திரையிடப்பட்டது. காலை 7 மணி காட்சியில் ஏராளமான ரசிகர்கள் திரையரங்கம் முன்பு கூடி நின்று கொண்டாட்டத்தில் ஈடுபட்டனர். அப்போது தருமபுரி நகரப்பகுதியைச் சேர்ந்த தல நந்தா என்ற அஜித் ரசிகர் துணிவு படம் ரிலீஸ்க்காக கடந்த ஆறு மாதங்களாக அஜித் போலவே தாடி மற்றும் முடி வளர்த்து இன்று திரைப்படத்திற்கு வந்திருந்தார்.

இவர் கடந்த 10 ஆண்டுகளாகவே அஜித் படம் வெளியாகும் போது அஜித் கெட்டப்பிலேயே வந்து படம் பார்க்கும் வழக்கத்தை வைத்துள்ளார். ஏராளமான ரசிகர்கள் தல நந்தாவுடன் செல்பி எடுத்துக் கொண்டனர். தொடர்ந்து பேசிய ரசிகர்கள் மனித கடவுள் அஜித் மட்டுமே என்று ஆவேசமாக தங்கள் கருத்துக்களை பதிவு செய்தனர்.