கடலூர் மாவட்டம், விருத்தாசலம் அருகே உள்ள வி.குமாரமங்கலம் கிராமத்தைச் சேர்ந்த பசுபதி, பிரம்மன் ஆகிய இருவரும் திருப்பூரில் வேலை செய்து வந்தார்கள். தீபாவளிக்காக ஊருக்கு வந்த அவர்கள், தங்கள் நண்பரை விருத்தாசலத்திலிருந்து அழைத்து வருவதற்காக இருசக்கர வாகனத்தில் சென்றனர்.
அப்போது கார்குடல் கிராமம் அருகே வரும்போது சாலையிருந்த பள்ளத்தில் இறங்கிய இருசக்கர வாகனம், தடுமாறி விருத்தாசலத்திலிருந்து சிறுவரப்பூர் நோக்கி வந்து கொண்டிருந்த அரசுப் பேருந்து மீது மோதியது. இதில் இரண்டு இளைஞர்களும் தூக்கி எறியப்பட்டு சம்பவ இடத்திலேயே உயிரிழந்தனர்.
இதுகுறித்து, விருத்தாசலம் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர். மேலும், விபத்தில் இறந்த இளைஞர்களின் உடல்களும் ஆய்வுக்காக விருத்தாசலம் அரசு மருத்துவமனையில் வைக்கப்பட்டுள்ளன. தீபாவளியைக் கொண்டாட வந்த இரண்டு இளைஞர்கள் விபத்தில் இறந்ததால் அப்பகுதி மிகுந்த சோகத்தில் ஆழ்ந்துள்ளது.
இதையும் படிங்க:
இருவரை குண்டர் தடுப்புச் சட்டத்தில் கைது செய்ய மாவட்ட ஆட்சியர் ஆணை
