கோயம்புத்தூர்: இன்ஸ்டாகிராமில் ஆயுதங்களுடன் வீடியோ வெளியிட்ட இளம்பெண் தமன்னா என்ற வினோதினியை காவல் துறையினர் தேடி வந்தனர். இந்த நிலையில் இன்று (மார்ச். 15) சங்ககிரியில் பிடித்து கோவைக்கு அழைத்து வந்து விசாரணை மேற்கொண்டனர். இவர் மீது ஏற்கனவே 2021 ஆம் கஞ்சா வழக்கு இருந்து வந்துள்ளது.
இந்த வழக்கின் விசாரணை கோவை இன்றியமையா பண்டகங்கள் நீதிமன்றத்தில் நடைபெற்று வந்த நிலையில் தமன்னா என்ற வினோதினியை நீதிமன்றத்தில் வாய்தாவிற்குத் தொடர்ந்து ஆஜராகாகதால் நீதிபதி தமன்னாவிற்கு பிடிவாரண்ட் பிறப்பித்தார்.
இதைத் தொடர்ந்து இன்று கோவைக்கு அழைத்துவரப்பட்ட இளம்பெண்ணை நீதிமன்றத்தில் ஆஜர்ப்படுத்தினர். இந்த நிலையில் வினோதினியை விசாரித்த நீதிபதி லோகேஸ்வரன், வரும் 29 ஆம் தேதி வரை நீதிமன்ற காவலில் வைக்க உத்தரவிட்டார். இதை எடுத்து அவர் கோவை மத்தியச் சிறைக்கு அழைத்துச் செல்லப்பட்டார். வினோதினி ஆறு மாதம் கர்ப்பிணி என்பது குறிப்பிடத்தக்கது.
இதையும் படிங்க: ஆயுதங்களுடன் ரீல்ஸ் போட்ட கோவை தமன்னா... திருந்தி வாழ்வதாக புதிய வீடியோ வெளியீடு.
