மக்கள் நல்வாழ்வு துறை இன்று (ஜுன்.21) வெளியிட்டுள்ள புள்ளி விவர தகவலில், "தமிழ்நாட்டில் மேலும் புதிதாக ஒரு லட்சத்து 65 ஆயிரத்து 829 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதன் மூலம் தமிழ்நாட்டில் இருந்த 7,424 நபர்களுக்கும், ஆந்திரப் பிரதேசத்தில் இருந்து வந்த இரண்டு நபர்களுக்கும், கர்நாடகாவில் இருந்து தமிழ்நாட்டிற்கு வந்த ஒருவருக்கும் என 7 ஆயிரத்து 427 நபர்களுக்கு புதிதாக வைரஸ் தொற்று கண்டறிப்பட்டுள்ளது.
தமிழ்நாட்டில் இதுவரை 3 கோடியே 5 லட்சத்து 23 ஆயிரத்து 529 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதன் மூலம் தமிழ்நாட்டில் 24 லட்சத்து 29 ஆயிரத்து 924 நபர்கள் கரோனா வைரஸ் தொற்று பாதிப்புக்கு உள்ளாகி இருந்தனர் என்பது கண்டறியப்பட்டது. இவர்களில் தற்போது மருத்துவமனைகள், தனிமைப்படுத்தும் மையங்களில் 61 ஆயிரத்து 329 பேர் சிகிச்சை பெற்று வருகின்றனர்.
மருத்துவமனையில் சிகிச்சை பெற்று வந்த நோயாளிகளில் 15,281 பேர் மேலும் குணமடைந்து வீட்டிற்கு அனுப்பி வைக்கப்பட்டுள்ளனர். தற்போது குணமடைந்தவர்கள் எண்ணிக்கை 23 லட்சத்து 37 ஆயிரத்து 209 என உயர்ந்துள்ளது.
மருத்துவமனையில் சிகிச்சை பலனின்றி தனியார் மருத்துவமனையில் 82 நோயாளிகளும், அரசு மருத்துவமனையில் 107 நோயாளிகளும் என 189 பேர் இறந்தனர். எனவே, இறந்தவர்கள் எண்ணிக்கை 31 ஆயிரத்து 386 என உயர்ந்துள்ளது.
கரோனா வைரஸ் தொற்றினால் புதிதாக பாதிக்கப்படுபவர்களின் எண்ணிக்கை அனைத்து மாவட்டங்களிலும் ஆயிரத்திற்கும் குறைந்து பதிவாகியுள்ளது . அதிகபட்சமாக கோயம்புத்தூரில் 891 நபர்களுக்கும், ஈரோட்டில் 795 நபர்களுக்கும், சேலத்தில் 511 நபர்களுக்கும், திருப்பூரில் 458 நபர்களுக்கும், சென்னையில் 439 நபர்களுக்கும், தஞ்சாவூரில் 388 நபர்களுக்கும் வைரஸ் தொற்று உறுதியாகியுள்ளது.
மாவட்டம் வாரியாக மொத்த பாதிப்பு விவரம்:
சென்னை - 5,29,650
கோயம்புத்தூர் - 2,13,384
செங்கல்பட்டு - 1,54,428
திருவள்ளூர் - 1,09,688
சேலம் - 84,326
திருப்பூர் - 79,182
ஈரோடு - 84,453
மதுரை - 71,443
காஞ்சிபுரம் - 69,434
திருச்சிராப்பள்ளி - 67,390
தஞ்சாவூர் - 61,165
கன்னியாகுமரி - 58,077
கடலூர் - 56,728
தூத்துக்குடி - 53,663
திருநெல்வேலி - 47,116
திருவண்ணாமலை - 47,894
வேலூர் - 46,377
விருதுநகர் - 43,859
தேனி - 41,738
விழுப்புரம் - 41,747
நாமக்கல் - 42,728
ராணிப்பேட்டை - 40,119
கிருஷ்ணகிரி - 38,729
நாகப்பட்டினம் - 37,214
திருவாரூர் - 36,176
திண்டுக்கல் - 31,144
புதுக்கோட்டை - 26,278
திருப்பத்தூர் - 27,187
தென்காசி - 26,279
நீலகிரி - 27,324
கள்ளக்குறிச்சி - 25,990
தர்மபுரி - 23,539
கரூர் - 21,488
ராமநாதபுரம் - 19,358
சிவகங்கை - 16,996
அரியலூர் - 14,292
பெரம்பலூர் - 10,791
சர்வதேச விமானத்தில் வந்தவர்கள் - 1,005
உள்நாட்டு விமானத்தில் வந்தவர்கள் - 1,075
ரயில் மூலம் வந்தவர்கள் - 428
இதையும் படிங்க: நாடு முழுக்க கரோனா தொற்று குறைந்தது!
