சென்னை: கொங்குநாடு குறித்து அதிமுக துணை ஒருங்கிணைப்பாளர் கேபி முனுசாமியின் கருத்து அதிமுகவின் அதிகாரப்பூர்வ நாளிதழான நமது அம்மாவில் இடம்பெறவில்லை.
கேபி முனுசாமி கருத்து
கொங்குநாடு சர்ச்சை குறித்து அனைத்து அரசியல் தலைவர்களும் கருத்து தெரிவித்து வரும் நிலையில், நேற்று கிருஷ்ணகிரியில் செய்தியாளர்களிடம் பேட்டி அளித்த கேபி முனுசாமியிடம் இது குறித்து கருத்து கேட்டபோது, "கொங்குநாடு என்ற பிரிவினைவாதத்தை ஏற்படுத்துவதை ஏற்றுக் கொள்ள முடியாது.
இது போன்ற விஷமனத்தனமான கருத்துகளை தெரிவிக்க வேண்டாம் எனவும், இது போன்ற மாநில பிரிவினைவாத கருத்துகளின் போது மத்திய அரசு நடுநிலையோடு செயல்பட வேண்டும்" என்று கூறினார்.
நமது அம்மாவில் இடம் பெறவில்லை
நேற்று அவர் தெரிவித்த கருத்து அதிமுகவின் அதிகாரபூர்வ நாளிதழான நமது அம்மாவில் இடம்பெறாத வகையில் இன்று செய்தி வெளியாகி உள்ளது.
கடந்த சில நாள்களாகவே பல்வேறு முக்கிய செய்திகளின் கருத்துகளுக்கு செய்தி தொடர்பாளர்கள் தரப்பில் கருத்து தெரிவிக்க வேண்டாம் என அதிமுக தலைமை உத்தரவு பிறப்பித்து உள்ளது.
அந்த வகையில், சமீபத்தில் தொலைக்காட்சி விவாதங்களிலும் அதிமுக சார்பில் யாரும் பங்கேற்க மாட்டார்கள் என்ற அறிவிப்பும் வெளியிட்டுயுள்ளது குறிப்பிடத்தக்கது.
இதையும் படிங்க: தொலைக்காட்சி விவாதங்களில் அதிமுக பங்கேற்காது - இபிஎஸ், ஓபிஎஸ் கூட்டறிக்கை
