சென்னையில் 689 பேருக்கு கரோனா பாதிப்பு!

சென்னையில் கரோனா தொற்று பாதிப்பு எண்ணிக்கை குறைந்து வருகிறது. சென்னையில் நேற்று (ஜூன் 16 ) மட்டும் கரோனா தொற்றால் 689 பேர் பாதிக்கப்பட்டுள்ளனர்.

கரோனா தொற்றுப் பரவும் பகுதியில், தொற்று பாதிப்பைக் கட்டுப்படுத்துவதற்கு அந்தந்தப் பகுதி முழுவதும் அதிக மருத்துவ முகாம்களை நடத்துவது, மக்களுக்கு விழிப்புணர்வு ஏற்படுத்துவது போன்ற பல்வேறு நடவடிக்கைகள் மாநகராட்சி சார்பில் எடுக்கப்பட்டு வருகின்றன.

சென்னையில் இதுவரையிலும் 5 லட்சத்து 27 ஆயிரத்து 283 பேர் கரோனா தொற்றினால் பாதிக்கப்பட்டுள்ளனர். அதில், 5 லட்சத்து 12 ஆயிரத்து 832 பேர் பூரண குணமடைந்து வீடு திரும்பியுள்ளனர்.

மீதமுள்ள 6 ஆயிரத்து 531 பேர் மருத்துவமனைகளில் தீவிர சிகிச்சைப் பெற்று வருகின்றனர். மேலும், தொற்றால் பாதிக்கப்பட்ட 7ஆயிரத்து 920 பேர் சிகிச்சைப் பலனின்றி உயிரிழந்துள்ளனர்.
இந்நிலையில், மண்டல வாரியான பாதிக்கப்பட்டோரின் பட்டியலை மாநகராட்சி வெளியிட்டுள்ளது;

மண்டலம்	பாதிக்கப்பட்டவர்கள்	குணமடைந்தவர்கள்
அண்ணா நகர்	55,191	53,604
கோடம்பாக்கம்	52,148	50,588
தேனாம்பேட்டை	49,332	47,798
ராயபுரம்	37,514	36,383
அடையாறு	44,168	42,885
திரு.வி.க. நகர்	40,968	39,623
தண்டையார்பேட்டை	34,980	33,850
அம்பத்தூர்	42,421	41,448
வளசரவாக்கம்	35,232	34,517
ஆலந்தூர்	24,322	23,747
பெருங்குடி	25,123	24,580
திருவொற்றியூர்	14,769	14,354
மாதவரம்	19,913	19,484
சோழிங்கநல்லூர்	16,107	15,805
மணலி	7,846	7,629

இதையும் படிங்க: கவச உடை அணிந்து கரோனா நோயாளிகளை சந்தித்த ஆட்சியர்!