மெல்போர்ன்: ஆஸ்திரேலியா அணியின் நட்சத்திர இடது கை பந்து வீச்சாளர் மிட்செல் ஸ்டார்க். இவர் தனது குடும்பத்தினருடன் நேரத்தைச் செலவிடுவதற்காகவும், சொந்த நாட்டிற்காக விளையாடுவதற்கு உடல் தகுதியுடன் இருப்பதற்காகவும் ஐபிஎல் போன்ற வெளிநாடுகளில் நடைபெறும் தொடர்களைத் தவிர்த்து வந்தார்.
33 வயதுடைய இவர் இரண்டு ஐபிஎல் தொடர்களில் ராயல் சேலஞ்சர்ஸ் பெங்களூர் அணிக்காக விளையாடியுள்ளார். கடைசியாக 2015ம் ஆண்டு நடைபெற்ற ஐபிஎல் தொடரில் விளையாடினார். இந்நிலையில், இவர் அடுத்த ஆண்டில் நடைபெறவுள்ள ஐபிஎல் தொடரில் விளையாட உள்ளதாக மிட்செல் ஸ்டார்க் அறிவித்துள்ளார். அடுத்த ஆண்டு ஜூன் மாதம் அமெரிக்காவில் மற்றும் வெஸ்ட் இண்டீஸில் நடைபெறவுள்ள டி20 உலகக் கோப்பைக்குத் தயாராகும் விதமாக ஐபிஎல் போட்டியில் விளையாட உள்ளார். அதற்காக ஐபிஎல் ஏலத்தில் தனது பெயரைச் சேர்க்கவுள்ளார்.
இதையும் படிங்க: World Cup 2023: உலகக் கோப்பை தொடருக்கான ஆஸ்திரேலியா அணி அறிவிப்பு!
இது குறித்து அவர் கூறுகையில்; “ஐபிஎல் போட்டிகளில் நான் கலந்து கொண்டு எட்டு ஆண்டுகள் ஆகின்றன. அடுத்த ஆண்டு நிச்சியமாக அதில் நான் பங்கேற்பேன். டி20 உலகக் கோப்பை வர உள்ளது. அதனால் ஐபிஎல் போட்டிகளில் விளையாடி விட்டு உலகக் கோப்பையில் விளையாடுவது சிறந்த வாய்ப்பாக இருக்கும். மேலும், ஐபிஎல்லுக்கான ஏலத்தில் எனது பெயரைப் பதிவு செய்வது இது ஒரு சிறந்த வாய்ப்பாக இருக்கும் எனக் கருதுகிறேன்” என்றார்.
மிட்செல் ஸ்டார்க் விளையாடிய இரண்டு ஆண்டு ஐபிஎல் தொடர்களில் 27 போட்டிகளில் விளையாடி உள்ளார். 34 விக்கெட்கள் வீழ்த்திய இவது பந்து வீச்சு சராசரி 20.4 ஆக உள்ளது. கிட்டத் தட்ட 8 ஆண்டுகள் கழித்து ஐபிஎல் போட்டிகளில் பங்கேற்பதால், இவரை ஏலத்தில் எடுக்க அனைத்து அணிகளும் போட்டிப் போட்டுக்கொள்ளும் என எதிர்பார்க்கப்படுகிறது.
இதையும் படிங்க: அமெரிக்க ஓபன் டென்னிஸ் குழுவில் மீண்டும் இடம் பெற்றுள்ள நவோமி ஒசாகா!
