சென்னை: ஸ்டுடியோ கிரீன் கே.இ.ஞானவேல் ராஜா தயாரிப்பில், பா.ரஞ்சித் இயக்கத்தில், சியான் விக்ரம், மாளவிகா மோகனன், பசுபதி, பார்வதி உள்ளிட்ட பலர் நடித்துள்ள திரைப்படம் ‘தங்கலான்’. கோலார் தங்க சுரங்கத்தில் தமிழர்கள் பட்ட கஷ்டங்களை முக்கிய கருவாக கொண்டு தங்கலான் திரைப்படம் தயாராகி வருகிறது.
மிகப் பெரிய எதிர்பார்ப்பை ஏற்படுத்தியுள்ள இப்படம் அடுத்த ஆண்டு ஜனவரி 26 ஆம் தேதி வெளியாக உள்ளதாக படக்குழு சார்பில் அறிவிக்கப்பட்டுள்ளது. மேலும் இப்படம் தமிழ், தெலுங்கு, கன்னடம், மலையாளம், இந்தி என பான் இந்தியா படமாகவும் வெளியாகிறது. இந்த நிலையில் தங்கலான் படத்தின் டீசர் வெளியீட்டு விழா இன்று சென்னையில் நடைபெற்றது. இவ்விழாவில் தயாரிப்பாளர் ஞானவேல் ராஜா, இயக்குனர் பா.ரஞ்சித், நடிகர் விக்ரம், இசை அமைப்பாளர் ஜி.வி.பிரகாஷ் குமார், தனஞ்செயன் உள்ளிட்டோர் கலந்து கொண்டனர்.
-
The son of Gold rises🔥⚔️
— Vikram (@chiyaan) November 1, 2023 " class="align-text-top noRightClick twitterSection" data="
Unveiling the spine-chilling #ThangalaanTeaser✨
▶️https://t.co/Comqkxth5M#Thangalaan #ThangalaanFromJan26@Thangalaan @chiyaan @beemji @kegvraja @StudioGreen2 @officialneelam @parvatweets @MalavikaM_ @PasupathyMasi @DanCaltagirone @thehari___…
">The son of Gold rises🔥⚔️
— Vikram (@chiyaan) November 1, 2023
Unveiling the spine-chilling #ThangalaanTeaser✨
▶️https://t.co/Comqkxth5M#Thangalaan #ThangalaanFromJan26@Thangalaan @chiyaan @beemji @kegvraja @StudioGreen2 @officialneelam @parvatweets @MalavikaM_ @PasupathyMasi @DanCaltagirone @thehari___…The son of Gold rises🔥⚔️
— Vikram (@chiyaan) November 1, 2023
Unveiling the spine-chilling #ThangalaanTeaser✨
▶️https://t.co/Comqkxth5M#Thangalaan #ThangalaanFromJan26@Thangalaan @chiyaan @beemji @kegvraja @StudioGreen2 @officialneelam @parvatweets @MalavikaM_ @PasupathyMasi @DanCaltagirone @thehari___…
தொடர்ந்து நடிகர் விக்ரம் பேசும் போது, "எல்லோரையும் பற்றி நிறைய பேச ஆசைப்படுகிறேன். அதனை அடுத்தடுத்த நிகழ்வுகளில் பேசுகிறேன். இப்படத்தின் முயற்சி என்ன என்றால்?. அமெரிக்க வரலாறு, சீனா வரலாறு எல்லாம் இருக்கிறது. வரலாற்றில் அடிமைத்தனத்தை மறைக்க முயல்கிறார்கள்.
அது நமது இந்தியாவில் நிறைய நடந்துள்ளது, அதில் நல்லதும் உள்ளது கெட்டதும் உள்ளது. ஆங்கிலேயர் மட்டும்தான் நமக்கு தெரிகிறது. இப்படத்தில் சோகம் மட்டும் இல்லை. டைட்டானிக் படத்தில் காதல்தான் பிரதானம் என்றாலும் கப்பலின் மூலம் அதனை சொல்லியிருப்பார்கள் அதுபோலத்தான் தங்கலான். அந்த காலத்தில் இந்த சமுதாயம் எப்படி இருந்தது என்று இருக்கும்.
ஆனால் சோகத்தை மட்டும் சொல்லவில்லை. இன்பம், துன்பம், காதல் எல்லாமே இதில் இருக்கும். கேஜிஎப் சென்று இதனை எடுத்தோம். பாம்பு, தேள் எல்லாம் இருக்கும். எல்லா நடிகருக்கும் ஒவ்வொரு படமும் ஸ்பெஷல்தான். படப்பிடிப்புக்கு சென்றபோது அந்த கதாபாத்திரமாகவே மாறிவிடுவோம். முதல்முதலில் நான் இப்படத்தில் லைவ் சவுண்ட் செய்துள்ளேன். அதுமட்டுமின்றி எல்லாமே சிங்கிள் ஷாட் காட்சிகள் தான்.
யாருக்கும் ஓய்வு எடுக்க கூட நேரம் இல்லை. நாங்கள் எல்லாம் கஷ்டப்படும்போது இயக்குனர் மட்டும் கூலாக இருந்தார். எப்படா படப்பிடிப்பு முடியும் என்று இருக்கும். ஆனால் அடுத்த நாள் எதிர்பார்ப்பு அதிகரித்துவிடும் உடனே தயாராகி விடுவேன். இப்படத்தில் பணியாற்றுவது எனக்கு மிகவும் பிடித்துவிட்டது. சார்பட்டாவை விட இதில் 100 மடங்கு ரஞ்சித்தின் மேக்கிங் இருக்கும். ஜி.வி நடிக்க துவங்கிய போது நான் திட்டினேன். ஆனால் நடிக்க தொடங்கிய பிறகுதான் இசையில் சிறந்த படங்கள் செய்துள்ளார்.
அவருடைய மிகப்பெரிய தனித்திறமை என்றால் பின்னணி இசைதான். இப்படத்தில் எங்களுடன் நடித்த டிராமா நடிகர்களின் உழைப்பு பாராட்டப்பட வேண்டியது. ஒருசில வசனங்கள் தான் இருக்கும். ஆனாலும் சிறப்பாக நடித்திருந்தனர். காந்தாரா சிறிய படமாக இருந்தாலும் தேசிய அளவில் பேசப்பட்டது. இதுவும் இந்திய அளவில் பேசப்படும் படமாக இருக்கும்" என்று தெரிவித்தார்.
