குடும்பத்தில் அனைவருக்கும் சாராயம்! சுயேட்சை வேட்பாளரின் அதிரடி தேர்தல் அறிக்கை

திருப்பூர் நாடாளுமன்றத் தொகுதியில் சுயேட்சை வேட்பாளராக திருப்பூர்அந்தியூரைச் சேர்ந்த சேக் தாவூத் வேட்புமனு தாக்கல் செய்தார்.

பின்னர் சுயேட்சை வேட்பாளர் சேக் தாவூத் 15 அம்ச கோரிக்கைகளுடன் தேர்தல் அறிக்கையை வெளியிட்டுள்ளார்.

• குடும்பத் தலைவிக்கு மாதம் ஒன்றுக்கு ரூ. 25 ஆயிரம் மத்திய அரசிடமிருந்து பெற்றுத்தருதல்.
• மருந்துக்காக சாப்பிடும் பிராந்தியை, குடும்பத்தில் உள்ள அனைவருக்கும் வழங்குதல்
• குடும்பத்தில் ஒருவருக்கு அரசு வேலை.
• ஏழை இளம்பெண்களுக்கு 10 பவுன் நகை, 10 லட்சம் ரொக்கத்தை வழங்கி இலவசமாக திருமணம் நடத்திவைத்தல்.
• கக்கனைப் போல நேர்மையாக இருப்பேன்.
• மேட்டூரிலிருந்து அந்தியூர் வழியாக திருப்பூருக்கு வாய்க்காலை வெட்டி குடிநீர் வழங்கல் உள்ளிட்டவற்றை தேர்தல் வாக்குறுதிகளாக வைத்து வாக்காளர்களை திக்குமுக்காடச் செய்கிறார்.

இவர் அளித்த தேர்தல் அறிக்கை வீடியோ தற்போது சமூக வலைதளங்களில் வைரலாகிவருகிறது.