ஈரோடு நகர காவல் நிலையத்தில் தலைமைக் காவலர் செந்தில் குமார் பணியில் இருந்துள்ளார். அப்போது அங்கு சென்ற மோகன்குமார், சுரேந்திரன் ஆகிய இருவரும் தாங்கள் தின காற்று என்ற பத்திரிகையைச் சேர்ந்த செய்தியாளர்கள் என தலைமைக் காவலரிடம் அறிமுகமாகியுள்ளனர்.
பின்னர் அவர்கள் காவல் நிலைய உள்பகுதியில் அனுமதியின்றி செல்போனில் மறைமுகமாக வீடியோ பதிவு செய்துள்ளனர். இதுகுறித்து கேட்ட தலைமை காவலர் செந்தில் குமாரை தகாத வார்த்தைகளால் திட்டியும், கொலை மிரட்டலும் விடுத்துள்ளனர்.
இதனையடுத்து இருவரையும் காவலர்கள் பிடித்து விசாரணை செய்ததில் இருவரும் செய்தி மற்றும் மக்கள் தொடர்பு துறையின் கீழ் அங்கீகாரம் பெறாத போலி செய்தியாளர்கள் என்பது தெரியவந்தது. பின்னர் இருவரையும் ஈரோடு நகர காவல் துறையினர் கைது செய்து நீதிமன்றத்தில் ஆஜர்படுத்தி சிறையில் அடைத்தனர்.
இதையும் படிங்க: வில்சன் கொலை வழக்கு: மேலும் மூன்று குற்றவாளிகள் சிக்கினர்!
