''சென்னை பெருநகர மாநகராட்சி எல்லையிலிருந்து பிற மாவட்டங்களுக்கு செல்பவர்களுக்கு அருகில் இருந்தாலும் இல்லாவிட்டாலும் பரிசோதனை செய்யப்பட வேண்டும். விமானம், ரயில், இரு சக்கர வாகனம், நான்கு சக்கர வாகனம் உள்ளிட்ட எந்த வாகனத்தில் பயணம் செய்தாலும் இ-பாஸ் கட்டாயம் பெறவேண்டும். பரிசோதனையில் வைரஸ் தொற்று உறுதி செய்யப்பட்டால் மருத்துவமனையில் சிகிச்சைப் பெறவேண்டும். பரிசோதனையின்பொழுது வைரஸ் தொற்று இல்லை என்பது உறுதியானால் ஏழு நாட்கள் வீட்டில் தனிமைப்படுத்திக் கொள்ள வேண்டும். வீட்டில் தனிமைப்படுத்திக் கொள்ள வசதி இல்லாதவர்கள் அரசின் தனிமைப்படுத்தும் முகாம்களில் ஏழு நாள் தங்க வைக்கப்படுவார்கள். பணிகள் நிமித்தமாக செல்பவர்கள் மீண்டும் 48 மணி நேரத்திற்குள் தனிமைப்படுத்தும் முகாமில் இல்லாமல் திரும்புவதற்கு அனுமதி அளிக்கப்படும்.
நாட்டில் கரோனா வைரஸ் கட்டுப்படுத்தப்பட்ட பகுதிக்கு ஹாட்ஸ்பாட்டாக உள்ள மகாராஷ்டிரா, குஜராத், டெல்லி ஆகிய மாநிலங்களிலிருந்து வரும் அனைவரும் கட்டாயம் பதிவு செய்ய வேண்டும். அனைவரும் பரிசோதனை செய்யப்படுவார்கள்.
பரிசோதனையில் உறுதி செய்யப்பட்டால், மருத்துவமனையில் சிகிச்சைப் பெற வேண்டும். பரிசோதனையில் வைரஸ் தொற்று இல்லை என வருபவர்கள் 14 நாட்கள் வீட்டிலோ அல்லது கட்டணம் செலுத்தியோ தனிமைப்படுத்திக் கொள்ள வேண்டும். அவ்வாறு தனிமைப்படுத்திக் கொள்ள முடியாதவர்கள் அரசாங்கத்தின் தனிமைப்படுத்தும் முகாம்களில் 14 நாட்கள் தங்க வைக்கப்படுவார்கள்" என பீலா ராஜேஷ் கூறியுள்ளார்.
