ராமேஸ்வரம் - ஹைதராபாத், செகந்திராபாத் - ராமேஸ்வரம் ஆகிய வாராந்திர சிறப்பு ரயில்களின் வண்டி எண்கள் 07686, 07685 என இருந்தன. இந்த நிலையில், வெள்ளிக்கிழமைகளில் ராமேஸ்வரத்தில் இருந்து புறப்படும் ராமேஸ்வரம் - ஹைதராபாத் வாராந்திர சிறப்பு ரயில் வண்டியின் எண், 07696 என மாற்றம் செய்யப்பட்டு டிசம்பர் 30ஆம் தேதி வரை சேவை நீட்டிப்பு செய்யப்பட்டுள்ளது.
அதேபோல் புதன்கிழமைகளில் செகந்திராபாத்தில் இருந்து புறப்படும் செகந்திராபாத் - ராமேஸ்வரம் வாராந்திர சிறப்பு ரயிலின் வண்டி எண், 07695 என மாற்றம் செய்யப்பட்டு டிசம்பர் 28ஆம் தேதி வரை சேவை நீட்டிப்பு செய்யப்பட்டுள்ளதாக தெற்கு ரயில்வே அறிவித்துள்ளது.
திருநெல்வேலி - மேட்டுப்பாளையம் வாராந்திர சிறப்பு ரயிலுக்கு மட்டும், போத்தனூர் ரயில் நிலையத்திற்கு நிறுத்தம் வழங்கப்பட்டிருந்தது. தற்பொழுது பயணிகளின் வசதிக்காக ஆகஸ்ட் 5ஆம் தேதி முதல் மேட்டுப்பாளையம் - திருநெல்வேலி வாராந்திர சிறப்பு ரயிலும் போத்தனூர் ரயில் நிலையத்தில் நின்று செல்லும் என தெற்கு ரயில்வே தெரிவித்துள்ளது.
இதையும் படிங்க:குஜராத் எல்லைக்குள் நுழைந்த 2 பாகிஸ்தான் படகுகள்
