ஹைதராபாத்: இந்திய கிரிக்கெட் அணியின் வேகப்பந்து வீச்சாளர் முகமது சிராஜ் மியான் மேஜிக் என்று அழைக்கப்படுகிறார். இவர் மிகக் குறுகிய காலகட்டத்தில் இந்திய கிரிக்கெட் அணியின் முதன்மை பந்து வீச்சாளராக மாறியுள்ளார். முகமது சிராஜின் வளர்ச்சி இன்றைய இளைஞர்களுக்கு எடுத்துக்காட்டாக உள்ளது.
முகமது சிராஜ் ஏழாம் வகுப்பு படிக்கும் போது தனது பள்ளி அணிக்காக முதல் கிரிக்கெட் போட்டியில் கலந்து கொண்டார். கிரிக்கெட் விளையாடத் தொடங்கிய போது பேட்ஸ்மேனாக இருந்தவர் பந்து வீச்சில் ஏற்பட்ட நாட்டம் காரணமாகப் பந்து வீச்சாளராகத் தன்னை மாற்றிக் கொண்டார். 10 வகுப்பில் தனது படிப்பை நிறுத்திய சிராஜ் தனது வீட்டின் அருகே உள்ள மைதானத்தில் டென்னிஸ் பந்து போட்டிகளில் கலந்து கொள்ளத் தொடங்கினார்.
-
Facing challenges is what I enjoy most 😎
— Mohammed Siraj (@mdsirajofficial) September 26, 2023 " class="align-text-top noRightClick twitterSection" data="
📸 - Ralph Alfred pic.twitter.com/ZhuH4hTRWe
">Facing challenges is what I enjoy most 😎
— Mohammed Siraj (@mdsirajofficial) September 26, 2023
📸 - Ralph Alfred pic.twitter.com/ZhuH4hTRWeFacing challenges is what I enjoy most 😎
— Mohammed Siraj (@mdsirajofficial) September 26, 2023
📸 - Ralph Alfred pic.twitter.com/ZhuH4hTRWe
முகமது சிராஜ் கூறும் போது, எனது அண்ணன் இன்ஜினியரிங் படிக்க நான் படிப்பை நிறுத்திவிட்டு கிரிக்கெட்டில் நேரத்தைக் கழிப்பதில் எனது தாயாருக்கு விருப்பம் இல்லாமல் இருந்தது. ஆனால், அதற்கு மாறாக எனது தந்தை ஆட்டோ ஓட்டிய பணத்தில் தேவையான பண உதவியைச் செய்து வந்தார்.
இதையும் படிங்க: இங்கிலாந்து அணி மீண்டும் உலகக் கோப்பையை வெல்லுமா?
இதனிடையே, எனது மாமாவின் கிரிக்கெட் கிளப்பில் நடைபெற்ற ஒரு போட்டியில் 9 விக்கெட்கள் எடுத்ததைப் பார்த்து எனது தாயாரிடம் சிராஜை நான் பார்த்துக் கொள்ளுவதாக மாமா கூறினார். இதனையடுத்து 19 வயதில் கிரேஸ் பால் (பீஸ் பால்) கிரிக்கெட்டில் 5 விக்கெட்களை வீழ்த்தினேன். shoes (ஷூ) அணிந்து விளையாடுவதும் அதுவே முதன் முறை அதன்பின் உள்ளூர் போட்டிகளில் தொடர்ந்து விளையாடி வந்தேன் தனது 23 வயது வரை எந்த முன்னேற்றமும் ஏற்படவில்லை எனத் தெரிவித்தார். அதன்பின் ஹைதராபாத் அணிக்குத் தேர்வு செய்யப்பட்டதாகத் தெரிவித்தார்.
2016ஆம் ஆண்டு நடைபெற்ற ஐபிஎல் போட்டிகளில் ஹைதராபாத் அணியின் பயிற்சி பந்து வீச்சாளராகச் சென்றேன். இந்த போட்டிக்கு முன் இரண்டு முறை ரஞ்சி போட்டிகளில் விளையாடியது குறிப்பிடத்தக்கது. அப்போது பந்து வீச்சு பயிற்சியில் பாரத் அருண் மற்றும் விவிஎஸ் லட்சுமணன் இருந்தார். அந்த ரஞ்சி போட்டிகளில் மொத்தமாக 45 விக்கெட்டுகளை எடுத்து இருந்தேன். என சிராஜ் கூறினார்.
2017ஆம் அண்டு நடைபெற்ற ஐபிஎல் போட்டியின் ஏலத்தின் போது எனது பெயர் அறிவிக்கப்பட்டது ஆனால் 10 நிமிடங்கள் ஆன போதும் யாரும் ஏலம் எடுக்கவில்லை. அதன் பின்னர் சன்ரைசர்ஸ் (ஹைதராபாத்) அணி என்னை ரூ.2.6 கோடிக்குத் தேர்வு செய்தனர். அது எனக்கு மறக்க முடியாத நாளாக இருந்தது எனத் தெரிவித்தார்.
இதையும் படிங்க: மாபெரும் கிரிக்கெட் திருவிழா...! அக்டோபர் 5இல் தொடங்கும் உலக கோப்பை கிரிக்கெட்!
அதுவரை வாடகை வீட்டில் வசித்து வந்த நிலையில் சொந்த வீடு வாங்கினோம். அன்று தான் வாழ்க்கை சரியான பாதையில் சென்று கொண்டு இருக்கிறேன் என்ற மனநிறைவு ஏற்பட்டது. 2017ஆம் ஆண்டு நடைபெற்ற ஐபிஎல் போட்டியில் 6 போட்டிக்குப் பின் விளையாட வாய்ப்பு கிடைத்தது. மைதானம் முழுவதும் நிரம்பியிருந்தது அது எனக்கு புது விதமான அழுத்தத்தைக் கொடுத்தது. முதல் மூன்று பந்துகளும் பவுண்டரிகள் செல்ல நான்காவது பந்தில் விக்கெட் விழுந்தது எனக்கு ஆறுதல் அளித்தது.
2018ஆம் ஆண்டு ஐபிஎல் ராயல் சேலஞ்சர்ஸ் பெங்களூர் அணியில் தேர்வு செய்யப்பட்டு அங்கு அதிகமான அனுபவங்களைக் கற்றுக்கொண்டேன். அதே வருடம் இந்தியாவிற்காக டி20 போட்டியில் இடம் கிடைத்தது ஆனால் அங்கு எனக்கான அறிமுகம் கிடைக்கவில்லை.
2019ஆம் ஆண்டு போட்டிகளில் 4 ஓவர்களில் 40 ரன்கள் எடுத்தால் சமூக வலைத்தளங்களில் அதிகமாக எதிர்ப்புகள் கிளம்பின இதற்கு இடையில் கடினமாகப் பயிற்சியில் ஈடுபட்டேன். இந்த நிலையில் 2020 ஆண்டு நடைபெற்ற ஐபிஎல் போட்டிகளில் தான் என் மீது நம்பிக்கை வரத் தொடங்கியது. அதன் பின் ஆஸ்திரேலியாவுக்கு எதிரான 2020-2021ஆம் ஆண்டு நடைபெற்ற டெஸ்ட் தொடர் வாழ்நாளில் மறக்க முடியாது.
2021 ஆஸ்திரேலியா சுற்றுப்பயணத்தின் போது எனது தந்தை உயிரிழந்தார். எனது வளர்ச்சிகளை முழுமையாகப் பார்க்காமல் எனது தந்தை உயிரிழந்து விட்டார் எனத் தனது நினைவுகளை முகமது சிராஜ் பகிர்ந்து கொண்டார்.
இதையும் படிங்க: உலகக் கோப்பையை வெல்வதற்கு ரோகித் கேப்டன்சி எப்படி? - ரோகித் சர்மாவின் சிறுவயது பயிற்சியாளர் கருத்து
