நாடெங்கும் குடியுரிமை திருத்தச் சட்டம், தேசிய குடிமக்கள் பதிவேடு, தேசிய மக்கள்தொகைப் பதிவேடு ஆகியவற்றுக்கு எதிராகப் பலரும் தங்கள் கருத்துகளைத் தெரிவித்துவருகின்றனர். இந்நிலையில், கொல்கத்தா விமானநிலையத்தில் செய்தியாளர்களிடம் பேசிய மேற்குவங்க முதலமைச்சர் மம்தா பானர்ஜி, "தேசிய மக்கள் தொகை குறித்து வடகிழக்கு மாநிலங்களும் பாஜக ஆட்சியில் இல்லாத மாநிலங்களும் முடிவெடுப்பதற்கு முன் அவர்கள் தேசிய மக்கள்தொகை பதிவேடு குறித்து முதலில் தெளிவாகப் படிக்க வேண்டும்.
தேசிய மக்கள்தொகைப் பதிவேட்டில் அந்த மாநிலங்கள் பங்கேற்கக் கூடாது என்பதுதான் என் கருத்து. தேசிய மக்கள் தொகை பதிவேடு மிகவும் ஆபத்தான ஒன்று. தேசிய குடிமக்கள் பதிவேட்டிற்கும் தேசிய மக்கள்தொகை பதிவேட்டிற்கும் நிறைய ஒற்றுமைகள் உள்ளன" என எடுத்தியம்பினார்.
இதையும் படிங்க: சோனியா காந்தியுடன் பஞ்சாப் முதலமைச்சர் ஆலோசனை
