சென்னை: இது தொடர்பாக அரசுத் தேர்வுத்துறை இயக்குனர் சேதுராமவர்மா வெளியிட்டுள்ள செய்திக் குறிப்பில், "12ஆம் வகுப்பு மாணவர்களுக்கான 2024 துணைத்தேர்வுகள் ஜூன், ஜூலை மாதங்களில் நடைபெறுகிறது. இந்தத் தேர்வினை மார்ச் 2024 பாெதுத்தேர்வினை எழுதுவதற்கு விண்ணப்பம் செய்து தேர்ச்சி பெறாத மாணவர்கள், வருகை புரியாத மாணவர்கள், தனித்தேர்வர்கள் விண்ணப்பிக்கலாம்.
பள்ளி மாணவர்கள் தாங்கள் படித்த பள்ளியிலும், தனித்தேர்வர்கள் கல்வி மாவட்ட வாரியாக அமைக்கப்பட்டுள்ள சேவை மையங்களிலும் மே 16ஆம் தேதி முதல் ஜூன் 1ஆம் தேதி வரை விண்ணப்பிக்கலாம். தனித் தேர்வர்களுக்கு கல்வி மாவட்ட வாரியாக அமைக்கப்பட்டுள்ள மையங்களின் விவரம் www.dge.tn.gov.in என்ற இணையதள முகவரியில் பார்த்து தெரிந்து கொள்ளலாம்.
சிறப்புத் திட்டத்தின் கீழ் மாணவர்கள் ஜூன் 3ஆம் தேதி முதல் 4ஆம் தேதி வரை தேர்வுக் கட்டணத்துடன் கூடுதலாக 1,000 ரூபாய் செலுத்தி விண்ணப்பிக்கலாம். அதில், 2023 - 2024ஆம் கல்வியாண்டில் அரசு மற்றும் அரசு உதவி பெறும் பள்ளிகளில் படித்து தேர்ச்சி பெறாத, வருகை புரியாத மாணவர்களுக்கு இந்தக் கட்டணத்திலிருந்து விலக்கு அளிக்கப்படுகிறது.
ஆன்லைனில் விண்ணப்பத்தினைப் பதிவு செய்த பிறகு, தேர்வர்களுக்கு ஒப்புகைச் சீட்டு வழங்கப்படும். அதில் குறிப்பிட்டுள்ள விண்ணப்ப எண்ணைப் பயன்படுத்தி, அரசுத் தேர்வுத்துறை பின்னர் அறிவிக்கும் நாளில் ஹால்டிக்கெட்டை பதிவிறக்கம் செய்ய முடியும்.
தேர்வர்களுக்கு ஒதுக்கீடு செய்யப்பட்டுள்ள தேர்வு மையம் குறித்த தகவலும் ஹால்டிக்கெட்டில் தெரிந்து கொள்ளலாம். மேலும் விவரங்களையும், தேர்வு கால அட்டவணையையும் www.dge.tn.gov.in என்ற இணையதளத்தில் தெரிந்து கொள்ளலாம்" என அதில் கூறப்பட்டுள்ளது.
இதையும் படிங்க: “போலீசார் கண்ணியமாக செயல்படுவார்கள்”.. ஜெயக்குமார் விவகாரத்தில் செல்வப்பெருந்தகை நம்பிக்கை! - Jayakumar Death Case In Nellai
