அடிலெய்டு: ஆஸ்திரேலியாவுக்கு சுற்றுப்பயணம் மேற்கொண்ட வெஸ்ட் இண்டீஸ் அணி இரண்டு நாள் கொண்ட டி20 போட்டியில் விளையாடியது. முதல் நாளில், ஆஸ்திரேலிய அணி 11 ரன்கள் வித்தியாசத்தில் வெஸ்ட் இண்டீஸ் அணியை வீழ்த்தியது. அதன்படி இரண்டாவது டி20 போட்டி நேற்று(பிப்.11) நடைபெற்றது. இதில், ஆஸ்திரேலிய அணியின் ஆல் ரவுண்டரான மேக்ஸ்வெல் டி20 போட்டியில் தனது 5வது சதத்தை பதிவு செய்தார்.
இந்த போட்டியில் டாஸ் வென்ற வெஸ்ட் இண்டீஸ் அணி பந்து வீச்சை தேர்வு செய்தது. அதன்படி ஆஸ்திரேலிய அணி பேட்டிங் ஆட, அடுத்தடுத்து சரிவுகளைக் கண்ட ஆஸ்திரேலிய அணி மேக்ஸ்வெல்லை நான்காவதாக களம் இறக்கியது.
இதில், மேக்ஸ்வெல் 55 பந்துகளுக்கு 120 ரன்களை குறைவான நேரத்தில் குவித்தார். இந்த போட்டியில் மட்டுமே மேக்ஸ்வெல் 8 சிக்ஸ் மற்றும் 12 பவுண்டரிகளை விளாசினார். மேக்ஸ்வெல் விளாசிய சதம் காரணமாக, ஆஸ்திரேலிய அணி 241 ரன்களை பெற்றிருந்தது. மேக்ஸ்வெல் உடன் கூட்டணியில் டிம் டேவிட் இணைந்து விளையாடினார். இருவரின் பார்ட்னர்ஷிப்பில் இருந்து 95 ரன்கள் அணிக்கு கிடைத்தன.
மேக்ஸ்வெல் ஆஸ்திரேலியாவுக்காக மொத்தம் 102 போட்டிகளில் விளையாடி 30.83 என்ற சராசரியிலும், 155.26 என்ற ஸ்ட்ரைக் ரேட்டில் 2405 ரன்களை குவித்துள்ளார். ரோஹித் ஷர்மா 151 ஆட்டங்களில் 31.79 சராசரி மற்றும் 139.97 ஸ்ட்ரைக் ரேட்டில் தனது ஐந்து சதங்களை அடித்தார். இந்த லிஸ்ட்டில் சூர்யகுமார் யாதவ் உள்ளார்.
முன்னதாக, டி20 போட்டிகளில் மேக்ஸ்வெல் விளையாடிய கடைசி 3 மேட்ச்களில் அடித்த இரண்டாவது சதம் இதுவாகும்.
அதிக டி20 சதங்கள் :
- கிளென் மேக்ஸ்வெல் (ஆஸ்) - 5
- ரோஹித் ஷர்மா (இந்) -5
- சூர்யகுமார் யாதவ் (இந்) - 4
- சபாவூன் டேவிசி (செக்) - 3
- கொலின் முன்ரோ (நியூ) -3
- பாபர் அசாம் (பாக்) - 3
இதையும் படிங்க: U19 World CUP: இந்தியாவை வீழ்த்தி ஆஸ்திரேலியா 4வது முறை சாம்பியன்!
