ਹੈਦਰਾਬਾਦ: ਅਖਰੋਟ ਪੌਸ਼ਟਿਕ ਤੱਤਾਂ ਦਾ ਖਜ਼ਾਨਾ ਹੈ। ਇਸ ਵਿੱਚ ਵਿਟਾਮਿਨ, ਆਇਰਨ, ਕਾਰਬੋਹਾਈਡਰੇਟ ਅਤੇ ਖਣਿਜ ਚੰਗੀ ਮਾਤਰਾ ਵਿੱਚ ਹੁੰਦੇ ਹਨ। ਜੋ ਸਾਡੇ ਸਰੀਰ ਲਈ ਬਹੁਤ ਜ਼ਰੂਰੀ ਹੈ ਪਰ ਇਸ ਦੇ ਨਾਲ ਹੀ ਇਹ ਪੋਸ਼ਕ ਤੱਤ ਸਾਡੀ ਚਮੜੀ ਅਤੇ ਵਾਲਾਂ ਨੂੰ ਸਿਹਤਮੰਦ ਰੱਖਣ ਵਿੱਚ ਵੀ ਮਦਦਗਾਰ ਹੁੰਦੇ ਹਨ। ਇਸ ਨਾਲ ਤੁਹਾਡੀ ਸੁੰਦਰਤਾ ਲੰਬੇ ਸਮੇਂ ਤੱਕ ਬਰਕਰਾਰ ਰਹਿ ਸਕਦੀ ਹੈ। ਅੱਜ ਅਸੀਂ ਜਾਣਾਂਗੇ ਕਿ ਅਖਰੋਟ ਦਾ ਤੇਲ ਕਿਵੇਂ ਬਣਾਇਆ ਜਾਂਦਾ ਹੈ?
ਅਖਰੋਟ ਦੇ ਤੇਲ ਦੇ ਫਾਇਦੇ:
ਝੁਰੜੀਆਂ ਤੋਂ ਛੁਟਕਾਰਾ: ਅਖਰੋਟ ਦੇ ਤੇਲ ਦੀਆਂ ਦੋ ਤੋਂ ਤਿੰਨ ਬੂੰਦਾਂ ਚਿਹਰੇ 'ਤੇ ਲਗਾਉਣ ਨਾਲ ਚਿਹਰੇ ਦੀਆਂ ਝੁਰੜੀਆਂ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।
ਐਂਟੀ-ਏਜਿੰਗ: ਅਖਰੋਟ ਵਿੱਚ ਐਂਟੀ-ਆਕਸੀਡੈਂਟ ਗੁਣ ਹੁੰਦੇ ਹਨ ਜੋ ਨਾ ਸਿਰਫ਼ ਸਰੀਰ ਨੂੰ ਚੁਸਤ-ਦਰੁਸਤ ਰੱਖਦੇ ਹਨ, ਸਗੋਂ ਚਿਹਰੇ ਦੇ ਦਾਗ-ਧੱਬੇ ਅਤੇ ਬੁਢਾਪੇ ਦੀਆਂ ਸਮੱਸਿਆਵਾਂ ਨੂੰ ਵੀ ਘੱਟ ਕਰਦੇ ਹਨ। ਅਖਰੋਟ ਵਿੱਚ ਵਿਟਾਮਿਨ ਬੀ ਅਤੇ ਈ ਹੁੰਦੇ ਹਨ, ਜੋ ਖੁਸ਼ਕ ਚਮੜੀ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾਉਂਦੇ ਹਨ ਅਤੇ ਚਮੜੀ ਨੂੰ ਨਮੀ ਦਿੰਦੇ ਹਨ।
ਵਾਲਾਂ ਦੇ ਵਾਧੇ 'ਚ ਮਦਦਗਾਰ: ਅਖਰੋਟ ਦੇ ਤੇਲ 'ਚ ਕਾਫੀ ਮਾਤਰਾ 'ਚ ਪੋਟਾਸ਼ੀਅਮ ਹੁੰਦਾ ਹੈ। ਇਸ ਲਈ ਇਸ ਨੂੰ ਵਾਲਾਂ 'ਤੇ ਲਗਾਉਣ ਨਾਲ ਵਾਲਾਂ ਦੇ ਝੜਨ ਦੀ ਸਮੱਸਿਆ ਕਾਫੀ ਹੱਦ ਤੱਕ ਘੱਟ ਹੋ ਜਾਂਦੀ ਹੈ। ਵਾਲਾਂ ਦਾ ਵਾਧਾ ਤੇਜ਼ ਹੁੰਦਾ ਹੈ। ਅਖਰੋਟ ਦੇ ਤੇਲ ਨੂੰ ਆਪਣੇ ਵਾਲਾਂ 'ਤੇ ਇਕ ਤੋਂ ਦੋ ਘੰਟੇ ਲਈ ਲੱਗਾ ਰਹਿਣ ਦਿਓ ਅਤੇ ਫਿਰ ਵਾਲਾਂ ਨੂੰ ਸ਼ੈਂਪੂ ਕਰੋ।
ਡੈਂਡਰਫ ਤੋਂ ਰਾਹਤ: ਜੇਕਰ ਡੈਂਡਰਫ ਦੂਰ ਨਹੀਂ ਹੁੰਦਾ ਹੈ ਤਾਂ ਅਖਰੋਟ ਦੇ ਤੇਲ ਵਿਚ ਨਾਰੀਅਲ ਦੇ ਤੇਲ ਨੂੰ ਮਿਲਾ ਕੇ ਸਿਰ ਦੀ ਚਮੜੀ 'ਤੇ ਮਾਲਿਸ਼ ਕਰੋ। ਅੱਧੇ ਘੰਟੇ ਤੱਕ ਮਾਲਿਸ਼ ਕਰਨ ਤੋਂ ਬਾਅਦ ਸਿਰ ਨੂੰ ਧੋ ਲਓ। ਡੈਂਡਰਫ ਹੌਲੀ ਹੌਲੀ ਖਤਮ ਹੋਣਾ ਸ਼ੁਰੂ ਹੋ ਜਾਵੇਗਾ।
- Egg In Summer: ਕੀ ਗਰਮੀਆਂ 'ਚ ਅੰਡੇ ਖਾਣ ਨਾਲ ਸਿਹਤ ਨੂੰ ਹੋ ਸਕਦੈ ਨੁਕਸਾਨ, ਇੱਥੇ ਜਾਣੋ ਪੂਰੀ ਸਚਾਈ
- Black Tea Benefits: ਚਾਹ ਅਤੇ ਗ੍ਰੀਨ ਟੀ ਪੀਣ ਦੇ ਸ਼ੌਕੀਨ ਬਲੈਕ ਟੀ ਦੇ ਵੀ ਜਾਣ ਲੈਣ ਇਹ ਅਣਗਿਣਤ ਫਾਇਦੇ
- Natural Bleach: ਬਦਲਦੇ ਮੌਸਮ ਦੌਰਾਨ ਇਹ ਘਰੇਲੂ ਟਿਪਸ ਅਪਣਾ ਕੇ ਆਪਣੀ ਚਮੜੀ ਨੂੰ ਬਣਾਓ ਸੁੰਦਰ
ਘਰ ਵਿਚ ਅਖਰੋਟ ਦਾ ਤੇਲ ਕਿਵੇਂ ਬਣਾਉਣਾ ਹੈ?: ਇਸ ਤੇਲ ਨੂੰ ਬਣਾਉਣ ਲਈ ਸਭ ਤੋਂ ਪਹਿਲਾਂ ਅਖਰੋਟ ਨੂੰ ਪਾਣੀ 'ਚ ਉਬਾਲ ਲਓ। ਅਜਿਹਾ ਕਰਨ ਨਾਲ ਅਖਰੋਟ ਨਰਮ ਹੋ ਜਾਵੇਗਾ। ਅਖਰੋਟ ਸੁੱਕ ਜਾਣ 'ਤੇ ਇਨ੍ਹਾਂ ਨੂੰ ਥੋੜੀ ਦੇਰ ਲਈ ਫਰਾਈ ਕਰੋ। ਧਿਆਨ ਰੱਖੋ ਕਿ ਅਖਰੋਟ ਸੜੇ ਨਾ। ਇਸ ਤੋਂ ਬਾਅਦ ਅਖਰੋਟ ਨੂੰ ਠੰਡਾ ਕਰਕੇ ਛੋਟੇ-ਛੋਟੇ ਟੁਕੜਿਆਂ 'ਚ ਕੱਟ ਲਓ। ਦੂਜੇ ਪਾਸੇ ਇੱਕ ਪੈਨ ਵਿੱਚ ਜੈਤੂਨ ਦਾ ਤੇਲ ਗਰਮ ਕਰੋ। ਹੁਣ ਅਖਰੋਟ ਨੂੰ ਜੈਤੂਨ ਦੇ ਤੇਲ 'ਚ ਮਿਲਾਓ। ਇਸ ਤਰ੍ਹਾਂ ਤੁਹਾਡਾ ਅਖਰੋਟ ਦਾ ਤੇਲ ਤਿਆਰ ਹੋ ਜਾਵੇਗਾ। ਜਿਸ ਦੀ ਵਰਤੋਂ ਤੁਸੀਂ ਚਮੜੀ ਤੋਂ ਲੈ ਕੇ ਵਾਲਾਂ ਤੱਕ ਹਰ ਚੀਜ਼ 'ਤੇ ਕਰ ਸਕਦੇ ਹੋ।
