Dark Spots: ਜੇਕਰ ਤੁਹਾਨੂੰ ਵੀ ਨੇ ਇਹ ਆਦਤਾਂ, ਤਾਂ ਹੋ ਜਾਓ ਸਾਵਧਾਨ, ਇਹ ਆਦਤਾਂ ਚਿਹਰੇ 'ਤੇ ਦਾਗ-ਧੱਬਿਆਂ ਦਾ ਬਣ ਸਕਦੀਆਂ ਨੇ ਕਾਰਨ

ਹੈਦਰਾਬਾਦ: ਚਿਹਰੇ 'ਤੇ ਕਿਸੇ ਵੀ ਤਰ੍ਹਾਂ ਦੇ ਦਾਗ-ਧੱਬੇ, ਫਿਣਸੀਆਂ ਤੁਹਾਡੀ ਸੁੰਦਰਤਾ ਨੂੰ ਘਟਾ ਦਿੰਦੀਆਂ ਹਨ। ਇਸ ਤੋਂ ਇਲਾਵਾ ਚਮੜੀ ਵੀ ਘੱਟ ਗੋਰੀ ਦਿਖਾਈ ਦਿੰਦੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ, ਸਾਡੀਆਂ ਕੁਝ ਆਦਤਾਂ ਚਿਹਰੇ ਦੀਆਂ ਜ਼ਿਆਦਾਤਰ ਸਮੱਸਿਆਵਾਂ ਦਾ ਕਾਰਨ ਬਣਦੀਆਂ ਹਨ। ਸਹੀ ਖੁਰਾਕ ਤੋਂ ਲੈ ਕੇ ਚਮੜੀ ਦੀ ਦੇਖਭਾਲ ਦੀ ਵਿਧੀ ਇਸ ਵਿੱਚ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਇਸਦੇ ਨਾਲ ਹੀ ਤੁਸੀਂ ਕਿਸ ਤਰ੍ਹਾਂ ਦੇ ਉਤਪਾਦ ਵਰਤਦੇ ਹੋ, ਤੁਸੀਂ ਆਪਣਾ ਚਿਹਰਾ ਕਿਵੇਂ ਧੋਦੇ ਹੋ ਅਤੇ ਇੱਥੋਂ ਤੱਕ ਕਿ ਤੁਸੀਂ ਆਪਣੇ ਚਿਹਰੇ ਨੂੰ ਕਿਵੇਂ ਪੂੰਝਦੇ ਹੋ, ਇਹ ਸਭ ਦਾਗ-ਧੱਬਿਆਂ ਵਿੱਚ ਯੋਗਦਾਨ ਪਾ ਸਕਦੇ ਹਨ। ਉਨ੍ਹਾਂ ਆਦਤਾਂ ਬਾਰੇ ਜਾਣੋ ਜਿਨ੍ਹਾਂ ਕਾਰਨ ਚਿਹਰੇ 'ਤੇ ਕਾਲੇ ਧੱਬੇ ਪੈ ਸਕਦੇ ਹਨ।

ਸਿਹਤਮੰਦ ਭੋਜਨ ਦਾ ਸੇਵਨ ਨਾ ਕਰਨਾ: ਸਿਹਤਮੰਦ ਭੋਜਨ ਦੀ ਕਮੀ ਨਾਲ ਚਿਹਰੇ 'ਤੇ ਕਾਲੇ ਧੱਬੇ ਅਤੇ ਫਿਣਸੀਆਂ ਹੋ ਸਕਦੀਆਂ ਹਨ। ਬਹੁਤ ਜ਼ਿਆਦਾ ਤਲੇ ਹੋਏ, ਮਸਾਲੇਦਾਰ, ਜੰਕ ਫੂਡ ਖਾਣਾ ਸਾਡੀ ਸਿਹਤ ਜਾਂ ਚਮੜੀ ਲਈ ਚੰਗਾ ਨਹੀਂ ਹੈ। ਜੇਕਰ ਇਨ੍ਹਾਂ ਫਿਣਸੀਆਂ ਦਾ ਸਮੇਂ ਸਿਰ ਇਲਾਜ ਨਾ ਕੀਤਾ ਜਾਵੇ ਤਾਂ ਇਹ ਸਥਾਈ ਹੋ ਜਾਂਦੀਆਂ ਹਨ। ਇਨ੍ਹਾਂ ਨੂੰ ਘੱਟ ਕਰਨ ਲਈ ਮੌਸਮੀ ਫਲ ਅਤੇ ਸਬਜ਼ੀਆਂ ਨੂੰ ਆਪਣੀ ਖੁਰਾਕ ਵਿਚ ਸ਼ਾਮਲ ਕਰੋ। ਬਹੁਤ ਸਾਰਾ ਪਾਣੀ ਪੀਓ ਅਤੇ ਐਂਟੀਆਕਸੀਡੈਂਟਸ ਨਾਲ ਭਰਪੂਰ ਭੋਜਨ ਖਾਓ।

ਵਾਰ-ਵਾਰ ਚਿਹਰੇ ਨੂੰ ਛੂਹਣਾ: ਕੁਝ ਲੋਕਾਂ ਨੂੰ ਆਪਣੇ ਚਿਹਰੇ ਨੂੰ ਵਾਰ-ਵਾਰ ਛੂਹਣ ਦੀ ਬਹੁਤ ਬੁਰੀ ਆਦਤ ਹੈ। ਇਸ ਕਾਰਨ ਵੀ ਚਿਹਰੇ 'ਤੇ ਕਾਲੇ ਧੱਬੇ ਪੈ ਸਕਦੇ ਹਨ। ਜ਼ਿਆਦਾਤਰ ਲੋਕ ਚਿਹਰੇ 'ਤੇ ਬਲੈਕਹੈੱਡਸ ਜਾਂ ਵ੍ਹਾਈਟਹੈੱਡਸ ਨੂੰ ਹਟਾਉਣ ਲਈ ਨਹੁੰਆਂ ਜਾਂ ਕਿਸੇ ਹੋਰ ਤਿੱਖੀ ਚੀਜ਼ ਦੀ ਵਰਤੋਂ ਕਰਦੇ ਹਨ ਜੋ ਕਿ ਬਹੁਤ ਗਲਤ ਤਰੀਕਾ ਹੈ। ਬਲੈਕਹੈੱਡਸ ਜਾਂ ਵ੍ਹਾਈਟਹੈੱਡਸ ਨੂੰ ਹਟਾਉਣ ਲਈ ਡੇ-ਕੇਅਰ ਰੁਟੀਨ ਦੀ ਪਾਲਣਾ ਕਰੋ। ਇੱਕ CTM (ਕਲੀਨਿੰਗ, ਟੋਨਿੰਗ ਅਤੇ ਮੋਇਸਚਰਾਈਜ਼ਿੰਗ) ਰੁਟੀਨ ਦੀ ਪਾਲਣਾ ਕਰੋ। ਦਿਨ ਵਿੱਚ ਦੋ ਵਾਰ ਆਪਣਾ ਚਿਹਰਾ ਧੋਵੋ। ਇਸਦੇ ਨਾਲ ਹੀ ਰੋਜ਼ਾਨਾ ਵਿਟਾਮਿਨ ਸੀ ਸੀਰਮ ਲਗਾਓ।

• Pressure Cooker: ਕੂਕਰ 'ਚ ਭੁੱਲ ਕੇ ਵੀ ਨਾ ਪਕਾਓ ਇਹ ਚੀਜ਼ਾਂ, ਭੋਜਣ ਆਪਣਾ ਸੁਆਦ ਗੁਆਉਣ ਦੇ ਨਾਲ-ਨਾਲ ਸਿਹਤ ਲਈ ਵੀ ਹੋ ਸਕਦੈ ਨੁਕਸਾਨਦੇਹ

ਸੂਰਜ ਦੀਆਂ ਕਿਰਨਾਂ ਦਾ ਬਹੁਤ ਜ਼ਿਆਦਾ ਸੰਪਰਕ: ਸੂਰਜ ਦੀਆਂ ਅਲਟਰਾਵਾਇਲਟ ਕਿਰਨਾਂ ਸਾਡੀ ਚਮੜੀ ਲਈ ਬਹੁਤ ਨੁਕਸਾਨਦੇਹ ਹੁੰਦੀਆਂ ਹਨ। ਅਸਲ ਵਿੱਚ ਸਾਡੀ ਚਮੜੀ ਵਿੱਚ ਮੇਲਾਨਿਨ ਪਾਇਆ ਜਾਂਦਾ ਹੈ। ਇਹ ਸਾਨੂੰ ਯੂਵੀ ਕਿਰਨਾਂ ਤੋਂ ਬਚਾਉਂਦਾ ਹੈ ਪਰ ਸੁਰੱਖਿਆ ਦੇ ਬਿਨਾਂ ਲੰਬੇ ਸਮੇਂ ਤੱਕ ਸੂਰਜ ਦੇ ਸੰਪਰਕ ਵਿੱਚ ਰਹਿਣ ਨਾਲ ਚਮੜੀ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਲਈ ਜੇਕਰ ਤੁਸੀਂ ਚੰਗੀ ਚਮੜੀ ਚਾਹੁੰਦੇ ਹੋ, ਤਾਂ ਬਾਹਰ ਜਾਣ ਤੋਂ ਪਹਿਲਾਂ ਸਨਸਕ੍ਰੀਨ ਲਗਾਓ।