ਜਲੰਧਰ: ਪਿੰਡ ਸੰਤੋਖਪੁਰ 'ਚ ਜੰਗਲੀ ਜਾਨਵਰ ਸਾਂਭਰ ਵੜ੍ਹ ਆਇਆ ਸੀ। ਜੰਗਲੀ ਜਾਨਵਰ ਸਾਂਭਰ ਨੂੰ ਸੰਤੋਖਪੁਰ 'ਚ ਦੇਖਿਆ ਗਿਆ ਤਾਂ ਇਲਾਕੇ ਦੇ ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਇਸ ਦੌਰਾਨ ਇਲਾਕੇ ਦੇ ਲੋਕਾਂ 'ਚ ਹਫੜਾ-ਦਫੜੀ ਮਚ ਗਈ ਹੈ।
ਲੋਕਾਂ ਨੇ ਸਾਂਭਰ ਦੇ ਹੋਣ ਦੀ ਸੂਚਨਾ ਜੰਗਲਾਤ ਵਿਭਾਗ ਦੇ ਅਧਿਕਾਰੀ ਨੂੰ ਦਿੱਤੀ।
ਵੀਡੀਓ
ਅਧਿਕਾਰੀ ਪ੍ਰਦੀਪ ਕੁਮਾਰ ਨੇ ਦੱਸਿਆ ਕਿ ਇਲਾਕਾ ਨਿਵਾਸੀਆਂ ਦੀ ਮਦਦ ਨਾਲ ਬੜੀ ਮੁਸ਼ਕੱਤ ਮਗਰੋਂ ਸਾਂਭਰ ਨੂੰ ਇੱਕ ਘਰ ਵਿੱਚੋਂ ਜਾਲ ਪਾ ਕੇ ਕਾਬੂ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਜੰਗਲਾਂ ਦੀ ਕਟਾਈ ਹੋਣ ਨਾਲ ਜੰਗਲੀ ਜਾਨਵਰਾਂ ਦਾ ਬਸੇਰਾ ਹੁਣ ਨਹੀਂ ਰਿਹਾ। ਇਸ ਨਾਲ ਉਹ ਸ਼ਹਿਰਾਂ ਦੇ ਰਿਹਾਇਸ਼ੀ ਇਲਾਕੇ ਵੱਲ ਨੂੰ ਭਟਕਦੇ ਹੋਏ ਆ ਜਾਂਦੇ ਹਨ।
ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਕੋਈ ਜਾਨ ਮਾਲ ਦਾ ਨੁਕਸਾਨ ਨਹੀਂ ਹੋਇਆ। ਸਾਂਭਰ ਨੂੰ ਸੰਤੋਖਪੁਰ ਚੋਂ 15-20 ਮਿੰਟ ਦੇ ਅੰਦਰ ਹੀ ਕਾਬੂ ਕਰ ਲਿਆ ਗਿਆ। ਹੁਣ ਸਾਂਭਰ ਨੂੰ ਹੁਸ਼ਿਆਰਪੁਰ ਦੇ ਸੁਹਾਗ ਡੈਮ ਦੇ ਕੋਲ ਛੱਡਿਆ ਜਾਵੇਗਾ।
