ਮੈਲਬੌਰਨ : ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਚ ਨੇ ਐਤਵਾਰ ਨੂੰ ਮੈਲਬੌਰਨ ਵਿੱਚ ਹੋਏ ਆਸਟਰੇਲੀਆਈ ਓਪਨ ਦੇ ਫਾਈਨਲ ਵਿੱਚ ਆਸਟਰੀਆ ਦੇ ਡੋਮੀਨਿਕ ਥੀਮ ਨੂੰ ਹਰਾ ਕੇ ਅੱਠਵੀਂ ਵਾਰ ਇਸ ਸਾਲ ਦਾ ਆਪਣਾ ਪਹਿਲਾ ਗ੍ਰੈਂਡ ਸਲੈਮ ਖ਼ਿਤਾਬ ਜਿੱਤਿਆ ਹੈ।
ਜੋਕੋਵਿਚ ਨੇ ਆਪਣਾ ਪਹਿਲਾ ਆਸਟਰੇਲੀਆਈ ਓਪਨ ਫਾਈਨਲ ਖੇਡ ਰਹੇ ਥੀਮ ਨੂੰ 6-4, 4-6, 2-6, 6-3, 6-4 ਨਾਲ ਹਰਾ ਕੇ ਇਸ ਖ਼ਿਤਾਬ ਨੂੰ ਆਪਣੇ ਨਾਂਅ ਕੀਤਾ। ਜ਼ਿਕਰੇਯੋਗ ਹੈ ਕਿ ਇਹ ਮੈਚ 3 ਘੰਟੇ ਅਤੇ 59 ਮਿੰਟ ਚੱਲਿਆ।
ਦੱਸਣਯੋਗ ਹੈ ਕਿ ਜੋਕੋਵਿਚ ਦਾ ਇਹ ਅੱਠਵਾਂ ਆਸਟਰੇਲੀਆਈ ਓਪਨ ਖ਼ਿਤਾਬ ਹੈ, ਜਿਸ ਨੇ ਸਭ ਤੋਂ ਵੱਧ ਵਾਰ ਆਸਟਰੇਲੀਆਈ ਓਪਨ ਖ਼ਿਤਾਬ ਜਿੱਤਣ ਦਾ ਰਿਕਾਰਡ ਆਪਣੇ ਨਾਂਅ ਕੀਤਾ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ 2008, 2011, 2012, 2013, 2015, 2016, 2019 ਵਿੱਚ ਇਸ ਖਿਤਾਬ ਨੂੰ ਆਪਣੇ ਨਾਂਅ ਕੀਤਾ ਸੀ। ਉਨ੍ਹਾਂ ਨੇ 2011 ਤੋਂ 2013 ਤੱਕ ਲਗਾਤਾਰ ਤਿੰਨ ਵਾਰ ਇਹ ਖ਼ਿਤਾਬ ਆਪਣੇ ਨਾਂਅ ਕੀਤਾ ਅਤੇ ਓਪਨ ਈਰਾ ਦੇ ਮਾਮਲੇ ਵਿੱਚ ਇਹ ਇੱਕ ਰਿਕਾਰਡ ਹੈ।
ਜੋਕੋਵਿਚ ਦੇ ਕਰੀਅਰ ਦੇ 32 ਸਾਲਾਂ ਵਿੱਚ ਇਹ 17ਵਾਂ ਸਿੰਗਲ ਗ੍ਰੈਂਡ ਸਲੈਮ ਖ਼ਿਤਾਬ ਹੈ। ਉਸੇ ਸਮੇਂ, ਇਹ ਥੀਮ ਦਾ ਤੀਜਾ ਗ੍ਰੈਂਡ ਸਲੈਮ ਫਾਈਨਲ ਸੀ ਅਤੇ ਉਹ ਹੁਣ ਤੱਕ ਸਾਰੇ ਤਿੰਨਾਂ ਨੂੰ ਗੁਆ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਉਹ 2018 ਅਤੇ 2019 ਵਿੱਚ ਫ੍ਰੈਂਚ ਓਪਨ ਦੇ ਫਾਈਨਲ ਵਿੱਚ ਪਹੁੰਚ ਗਏ ਸਨ ਅਤੇ ਉਨ੍ਹਾਂ ਨੂੰ ਦੋ ਵਾਰ ਉਪ-ਜੇਤੂ ਬਣ ਕੇ ਸੰਤੁਸ਼ਟ ਹੋਣਾ ਪਿਆ ਸੀ।
