ਬੈਂਗਲੁਰੂ: ਬੀਰੇਂਦਰ ਲਾਕੜਾ ਦੀ ਅਗਵਾਈ ਵਾਲੀ ਭਾਰਤੀ ਹਾਕੀ ਟੀਮ ਪੂਲ ਏ ਵਿੱਚ ਜਾਪਾਨ, ਪਾਕਿਸਤਾਨ ਅਤੇ ਮੇਜ਼ਬਾਨ ਇੰਡੋਨੇਸ਼ੀਆ ਖ਼ਿਲਾਫ਼ ਮੈਚ ਖੇਡੇਗੀ। ਜਦਕਿ ਮਲੇਸ਼ੀਆ, ਕੋਰੀਆ, ਓਮਾਨ ਅਤੇ ਬੰਗਲਾਦੇਸ਼ ਨੂੰ ਪੂਲ ਬੀ ਵਿੱਚ ਰੱਖਿਆ ਗਿਆ ਹੈ।
ਭਾਰਤ ਪਹਿਲੇ ਦਿਨ ਪਾਕਿਸਤਾਨ ਖਿਲਾਫ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗਾ। ਟੀਮ ਦੇ ਉਤਸ਼ਾਹ ਬਾਰੇ ਗੱਲ ਕਰਦਿਆਂ ਲਾਕਰਾ ਨੇ ਕਿਹਾ, ''ਟੀਮ ਯਕੀਨੀ ਤੌਰ 'ਤੇ ਉਤਸ਼ਾਹਿਤ ਹੈ। ਏਸ਼ੀਆ ਕੱਪ ਇਕ ਵੱਡਾ ਟੂਰਨਾਮੈਂਟ ਹੈ ਅਤੇ ਸਾਡੇ ਕੋਲ ਕੁਝ ਅਜਿਹੇ ਖਿਡਾਰੀ ਹੋਣਗੇ ਜੋ ਪਹਿਲੀ ਵਾਰ ਇਸ ਟੂਰਨਾਮੈਂਟ ਦਾ ਅਨੁਭਵ ਕਰਨਗੇ, ਇਸ ਲਈ ਕੁਦਰਤੀ ਤੌਰ 'ਤੇ ਟੀਮ ਦਾ ਮੂਡ ਬਹੁਤ ਵਧੀਆ ਹੈ।
ਇਹ ਵੀ ਪੜ੍ਹੋ:- ਇਸ ਵਾਰ ਤਕਨੀਕ ਨੇ ਮਦਦ ਨਹੀਂ ਕੀਤੀ : ਵੇਡ ਦੀ ਵਿਵਾਦਪੂਰਨ ਬਰਖ਼ਾਸਤਗੀ 'ਤੇ ਹਾਰਦਿਕ
ਟੀਮ ਦੀਆਂ ਤਿਆਰੀਆਂ ਬਾਰੇ ਗੱਲ ਕਰਦੇ ਹੋਏ ਲਾਕਰਾ ਨੇ ਕਿਹਾ, ''ਸਾਈ ਬੈਂਗਲੁਰੂ 'ਚ ਸਾਡਾ ਕੈਂਪ ਬਹੁਤ ਵਧੀਆ ਰਿਹਾ। ਜਦੋਂ ਕਿ ਅਸੀਂ ਹਰੇਕ ਖਿਡਾਰੀ ਦੀ ਤਾਕਤ ਬਾਰੇ ਹੋਰ ਜਾਣ ਲਿਆ ਅਤੇ ਸਾਡੇ ਆਨ-ਫੀਲਡ ਸੰਚਾਰ ਵਿੱਚ ਸੁਧਾਰ ਹੋਇਆ। ਸਰਦਾਰਾ ਸਿੰਘ ਕੋਚ ਨੇ ਖਾਸ ਕਰਕੇ ਸਾਡੀ ਫਿਟਨੈਸ ਬਾਰੇ ਚੰਗੀ ਜਾਣਕਾਰੀ ਦਿੱਤੀ।
ਇਹ ਵੀ ਪੜ੍ਹੋ:- ਰਾਜਸਥਾਨ ਦੇ ਰਾਇਲਜ਼ ਅੱਜ ਜਿੱਤ ਨਾਲ ਕਰਨਾ ਚਾਹੁਣਗੇ ਪਲੇ ਆਫ਼ ਚ ਐਂਟਰੀ
ਸਾਲ 2017 ਵਿੱਚ ਢਾਕਾ ਵਿੱਚ ਹੋਏ ਪਿਛਲੇ ਸੀਜ਼ਨ ਵਿੱਚ ਭਾਰਤ ਨੇ ਫਾਈਨਲ ਵਿੱਚ ਮਲੇਸ਼ੀਆ ਨੂੰ ਹਰਾ ਕੇ ਟਰਾਫੀ ਜਿੱਤੀ ਸੀ। ਇਸ ਸਾਲ ਆਪਣੀ ਟੀਮ ਦੀਆਂ ਸੰਭਾਵਨਾਵਾਂ 'ਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਲਾਕਰਾ ਨੇ ਕਿਹਾ, ''ਅਸੀਂ ਸਿਰਫ ਮੈਚ ਦਰ ਮੈਚ ਬਾਰੇ ਸੋਚਣਾ ਚਾਹੁੰਦੇ ਹਾਂ। ਜ਼ਾਹਿਰ ਹੈ ਕਿ ਪਾਕਿਸਤਾਨ ਖਿਲਾਫ ਮੈਚ ਤੋਂ ਪਹਿਲਾਂ ਕਾਫੀ ਤਣਾਅ ਹੋਵੇਗਾ ਪਰ ਅਸੀਂ ਆਪਣੀ ਖੇਡ 'ਤੇ ਧਿਆਨ ਦੇਵਾਂਗੇ ਅਤੇ ਉਥੋਂ ਅੱਗੇ ਵਧਣ ਦੀ ਕੋਸ਼ਿਸ਼ ਕਰਾਂਗੇ।
