ਨਵੀਂ ਦਿੱਲੀ: ਫੀਫਾ ਵਿਸ਼ਵ ਕੱਪ ਜਿੱਤਣ ਵਾਲੀ ਬ੍ਰਾਜ਼ੀਲ ਦੇ ਰਾਸ਼ਟਰੀ ਫੁੱਟਬਾਲ ਟੀਮ ਦੇ ਮੈਂਬਰ ਰਹੇ ਲੁਸੀਓ ਨੇ ਫੁੱਟਬਾਲ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਲੁਸੀਓ ਦਾ ਪੇਸ਼ੇਵਰ ਕਰੀਅਰ 22 ਸਾਲ ਦਾ ਰਿਹਾ ਹੈ। 41 ਸਾਲ ਦੇ ਲੁਸੀਓ ਸੈਂਟਰ ਬੈਂਕ ਪੁਜੀਸ਼ਨ ਤੋਂ ਖੇਡਦੇ ਸਨ। ਲੁਸੀਓ ਦਾ ਕਹਿਣਾ ਹੈ ਕਿ ਉਹ ਹੁਣ ਆਪਣੇ ਪਰਿਵਾਰ ਦੇ ਨਾਲ ਜ਼ਿਆਦਾ ਤੋਂ ਜ਼ਿਆਦਾ ਸਮੇਂ ਗੁਜ਼ਾਰਨਾ ਚਾਹੁੰਦੇ ਹਨ।
ਹੋਰ ਪੜ੍ਹੋ: Australian Open : ਪੇਸ ਦੇ ਬਾਅਦ ਬੋਪੰਨਾ ਵੀ ਹਾਰੇ, ਭਾਰਤ ਟੂਰਨਾਮੈਂਟ ਤੋਂ ਹੋਇਆ ਬਾਹਰ
ਲੁਸੀਓ ਨੇ ਹਾਲਾਂਕਿ ਇਹ ਵੀ ਕਿਹਾ ਹੈ ਕਿ ਉਹ ਕਿਸੀ ਨਾ ਕਿਸੀ ਰੂਪ ਵਿੱਚ ਫੁੱਟਬਾਲ ਨਾਲ ਜੁੜੇ ਰਹਿਣਗੇ। ਲੁਸੀਓ ਨੇ ਬ੍ਰਾਜ਼ੀਲ ਦੇ ਲਈ 105 ਮੈਚ ਖੇਡੇ ਤੇ ਉਹ 2002 ਵਿਸ਼ਵ ਕੱਪ ਜਿੱਤਣ ਵਾਲੀ ਬ੍ਰਾਜ਼ੀਲ ਟੀਮ ਦੇ ਮੈਂਬਰ ਸਨ। ਪੇਸ਼ੇਵਰ ਖਿਡਾਰੀ ਦੇ ਤੌਰ ਉੱਤੇ ਲੁਸੀਓ 04 ਲੀਵਰਕੁਸੇਨ, FC ਬੇਅਰਨ , ਇੰਟਰ ਮਿਲਾਨ ਤੇ ਜੁਵੇਂਟਸ ਐਫ.ਸੀ ਵਰਗੀਆਂ ਪ੍ਰਮੁੱਖ ਕਲੱਬਾਂ ਦੇ ਲਈ ਖੇਡੇ ਹਨ।