ਮੁੰਬਈ: ਅਦਾਕਾਰਾ ਯਾਮੀ ਗੌਤਮ ਦਾ ਕਰੀਅਰ ਉਨ੍ਹਾਂ ਦੀ ਪਿਛਲੀ ਦੋ ਫ਼ਿਲਮਾਂ 'ਉਰੀ: ਦ ਸਰਜੀਕਲ ਸਟਰਾਈਕ' ਅਤੇ 'ਬਾਲਾ' ਤੋਂ ਬਾਅਦ ਹੁਣ ਟੌਪ 'ਤੇ ਹੈ। ਦੋਨਾਂ ਫ਼ਿਲਮਾਂ ਨੇ ਬਾਕਸ ਆਫਿਸ 'ਤੇ 100 ਕਰੋੜ ਤੋਂ ਜ਼ਿਆਦਾ ਦਾ ਕਾਰੋਬਾਰ ਕੀਤਾ ਹੈ।
ਯਾਮੀ ਦਾ ਮੰਨਣਾ ਹੈ ਕਿ ਸਾਲ 2019 ਉਨ੍ਹਾਂ ਦੇ ਲਈ ਹੁਣ ਤੱਕ ਦਾ ਸਭ ਤੋਂ ਵਧੀਆ ਸਾਲ ਰਿਹਾ ਹੈ। ਨਾਲ ਹੀ ਉਨ੍ਹਾਂ ਕਿਹਾ, "ਇਸ ਸਾਲ ਮੈਨੂੰ ਦੋ ਵੱਡੀਆਂ ਫ਼ਿਲਮਾਂ ਵਿੱਚ ਅਲਗ ਅਲਗ ਕਿਰਦਾਰ ਕਰਨ ਦਾ ਮੌਕਾ ਮਿਲਿਆ ਹੈ। ਮੈਂ ਇਸ ਦੇ ਲਈ ਖ਼ਾਸ ਕਰਕੇ ਅਮਰ ਕੌਸ਼ਿਕ ਦਾ ਧੰਨਵਾਦ ਕਰਦੀ ਹਾਂ, ਜਿਨ੍ਹਾਂ ਨੇ ਮੈਨੂੰ ਬਾਲਾ ਵਿੱਚ ਪਰੀ ਦਾ ਕਿਰਦਾਰ ਦਿੱਤਾ। ਇਹ ਕਿਰਦਾਰ ਅਸਾਨ ਨਹੀਂ ਸੀ।"
ਇਹ ਚੰਗੀ ਗੱਲ ਹੈ ਕਿ ਫ਼ਿਲਮਾਂ ਨੇ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕੀਤੀ ਹੈ। ਪਰ ਯਾਮੀ ਲਈ ਇਨ੍ਹਾਂ ਕਾਫ਼ੀ ਨਹੀਂ ਹੈ। ਉਨ੍ਹਾਂ ਕਿਹਾ,"ਉਰੀ ਦੇਸ਼ ਦੀਆਂ ਭਾਵਨਾਵਾਂ ਵਿੱਚ ਸਭ ਤੋਂ ਉਪਰ ਸੀ ਅਤੇ ਇਸ ਫ਼ਿਲਮ ਨੇ ਲੋਕਾਂ ਨੇ ਮਾਣ ਮਹਿਸੂਸ ਕੀਤਾ ਹੈ। ਫ਼ਿਲਮ ਬਾਲਾ ਇੱਕ ਇਨਸਾਨੀ ਕਮੀ ਹੋਣ ਦੇ ਬਾਵਜੂਦ ਜਸ਼ਨ ਮਨਾਉਣਾ ਸਿਖਾਉਂਦੀ ਹੈ। ਮੇਰਾ ਮੰਨਣਾ ਹੈ ਕਿ ਸਫਲਤਾ ਸਿਰਫ਼ ਸੰਖਿਆ ਦੇ ਬਾਰੇ ਵਿੱਚ ਨਹੀਂ ਹੋਣੀ ਚਾਹੀਦੀ ਹੈ, ਇਹ ਤਾਂ ਦਰਸ਼ਕਾ ਦੇ ਸੱਚੇ ਪਿਆਰ ਤੋਂ ਝਲਕਦੀ ਹੈ।"
ਇਸ ਦੇ ਨਾਲ ਹੀ ਯਾਮੀ ਨੇ ਕਿਹਾ, "ਜੇਕਰ ਮੈਂ ਕੋਈ ਫ਼ਿਲਮ ਸਾਈਨ ਕਰ ਰਹੀ ਹਾਂ, ਤੇ ਮੈਨੂੰ ਪਤਾ ਹੈ ਕਿ ਇਹ ਕਿਰਦਾਰ ਮੇਰੀ ਚੰਗੀ ਅਦਾਕਾਰੀ ਨੂੰ ਪਰਿਭਾਸ਼ਿਤ ਨਹੀਂ ਕਰ ਸਕਦਾ ਅਤੇ ਇਹ ਉਹ ਵੀ ਨਹੀਂ ਹੈ ਜਿਸ ਨੂੰ ਮੈਂ ਲੱਭ ਰਹੀ ਹਾਂ, ਤਾਂ ਮੈਨੂੰ ਸਬਰ ਰੱਖਣ ਤੇ ਆਪਣੇ ਵਿਸ਼ਵਾਸ਼ ਨੂੰ ਜ਼ਿੰਦਾ ਰੱਖਣ ਦੀ ਜ਼ਰੂਰਤ ਹੈ।"