ਮੁੰਬਈ: ਫਿਲਮ 'ਸ਼ੇਰਸ਼ਾਹ' ਦੀ ਜੋੜੀ ਅਤੇ ਬੀ-ਟਾਊਨ ਦੀ ਖੂਬਸੂਰਤ ਜੋੜੀ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਆਪਣੀ ਵਿਆਹੁਤਾ ਜ਼ਿੰਦਗੀ ਦਾ ਆਨੰਦ ਮਾਣ ਰਹੇ ਹਨ। ਇਹ ਜੋੜਾ ਹਾਲ ਹੀ ਵਿੱਚ ਜਾਪਾਨ ਦੀਆਂ ਛੁੱਟੀਆਂ ਤੋਂ ਵਾਪਸ ਆਇਆ ਹੈ। ਹੁਣ ਇਸ ਜੋੜੀ ਦੇ ਛੁੱਟੀਆਂ ਦੇ ਆਉਣ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਹੈ।
ਅਸਲ 'ਚ ਫਿਲਮ ਸ਼ੇਰਸ਼ਾਹ ਅਤੇ ਵਿਆਹ ਤੋਂ ਬਾਅਦ ਪਹਿਲੀ ਵਾਰ ਇਹ ਜੋੜੀ ਇਕ ਵਾਰ ਫਿਰ ਤੋਂ ਪਰਦੇ 'ਤੇ ਇਕੱਠੇ ਨਜ਼ਰ ਆਉਣ ਵਾਲੀ ਹੈ। ਨੌਜਵਾਨ ਨਿਰਦੇਸ਼ਕ ਸ਼ਸ਼ਾਂਕ ਖੇਤਾਨ ਇਸ ਫਿਲਮ ਨੂੰ ਬਣਾਉਣ ਜਾ ਰਹੇ ਹਨ। ਇਹ ਇੱਕ ਰੋਮਾਂਟਿਕ ਕਾਮੇਡੀ ਫਿਲਮ ਹੋਵੇਗੀ। ਕਿਹਾ ਜਾ ਰਿਹਾ ਹੈ ਕਿ ਇਹ ਖੂਬਸੂਰਤ ਜੋੜੀ ਇਸ ਫਿਲਮ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
- Cannes 2023: ਅਦਿਤੀ ਰਾਓ ਨੇ ਪੀਲੇ ਰੰਗ ਦੇ ਗਾਊਨ 'ਚ ਦਿਖਾਈ ਗਲੈਮਰਸ ਲੁੱਕ, ਪ੍ਰਸ਼ੰਸਕ ਬੋਲੇ- 'ਉਫ! ਇੰਨੀ ਖੂਬਸੂਰਤ'
- Dev Kharoud and Ammy Virk: ਫਿਲਮ 'ਮੌੜ' 'ਚ ਇਸ ਤਰ੍ਹਾਂ ਦੀ ਲੁੱਕ 'ਚ ਨਜ਼ਰ ਆਉਣਗੇ ਦੇਵ-ਐਮੀ, ਦੇਖੋ ਅਣਦੇਖੀ ਫੋਟੋ
- Paune 9 Motion Poster Out: 'ਪੌਣੇ 9' ਦਾ ਮੋਸ਼ਨ ਪੋਸਟਰ ਰਿਲੀਜ਼, ਭਿਆਨਕ ਰੂਪ 'ਚ ਨਜ਼ਰ ਆਏ ਧੀਰਜ ਕੁਮਾਰ
ਫਿਲਮ ਦੀ ਸ਼ੂਟਿੰਗ ਕਦੋਂ ਸ਼ੁਰੂ ਆਵੇਗੀ?: ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਸਿਧਾਰਥ-ਕਿਆਰਾ ਦੀ ਇਹ ਫਿਲਮ ਬੇਸ਼ੱਕ ਰੋਮਾਂਟਿਕ ਹੋਵੇਗੀ, ਪਰ ਇਸ ਜੋੜੀ ਦੀਆਂ ਪਿਛਲੀਆਂ ਫਿਲਮਾਂ ਤੋਂ ਬਿਲਕੁਲ ਵੱਖਰੀ ਹੋਵੇਗੀ। ਫਿਲਮ ਦਾ ਨਿਰਮਾਣ ਸ਼ਸ਼ਾਂਕ ਖੇਤਾਨ ਕਰਨਗੇ, ਜਿਨ੍ਹਾਂ ਨੇ ਵਰੁਣ ਧਵਨ ਅਤੇ ਆਲੀਆ ਭੱਟ ਨਾਲ 'ਹੰਪਟੀ ਸ਼ਰਮਾ ਕੀ ਦੁਲਹਨੀਆ' ਅਤੇ 'ਬਦਰੀਨਾਥ ਕੀ ਦੁਲਹਨੀਆ' ਬਣਾਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਫਿਲਮ ਦੀ ਵਰਕਸ਼ਾਪ ਆਉਣ ਵਾਲੇ ਜੁਲਾਈ ਮਹੀਨੇ 'ਚ ਹੋਣ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਫਿਲਮ ਅਗਸਤ 'ਚ ਫਲੋਰ 'ਤੇ ਆ ਜਾਵੇਗੀ।
ਕੀ ਕਿਹਾ ਫਿਲਮ ਦੇ ਨਿਰਦੇਸ਼ਕ ਨੇ?: ਪਰ ਹੁਣ ਤੱਕ ਇਸ ਖੂਬਸੂਰਤ ਜੋੜੀ ਅਤੇ ਮੇਕਰਸ ਵਲੋਂ ਇਸ ਖਬਰ 'ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ। ਮੀਡੀਆ ਦੀ ਮੰਨੀਏ ਤਾਂ ਸ਼ਸ਼ਾਂਕ ਨੇ ਇਕ ਇੰਟਰਵਿਊ 'ਚ ਇਸ ਬਾਰੇ 'ਚ ਸੰਕੇਤ ਦਿੱਤੇ ਹਨ। ਉਸ ਨੇ ਕਿਹਾ 'ਮੈਨੂੰ ਕਿਆਰਾ ਦੇ ਨਾਲ ਇੱਕ ਪ੍ਰੋਜੈਕਟ ਲਈ ਸਮਾਂ ਚਾਹੀਦਾ ਹੈ, ਮੈਂ 2023 ਤੱਕ ਰੁੱਝਿਆ ਹੋਇਆ ਹਾਂ, ਮੇਰੇ ਕੋਲ 3 ਪ੍ਰੋਜੈਕਟ ਹਨ'।
ਕਿਆਰਾ ਅਤੇ ਸਿਧਾਰਥ ਦਾ ਵਰਕਫਰੰਟ: ਇਸ ਦੇ ਨਾਲ ਹੀ ਕਿਆਰਾ ਅਡਵਾਨੀ ਆਪਣੀ ਆਉਣ ਵਾਲੀ ਫਿਲਮ 'ਸੱਤਿਆਪ੍ਰੇਮ ਕੀ ਕਥਾ' ਨੂੰ ਲੈ ਕੇ ਚਰਚਾ 'ਚ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਅੱਜ ਯਾਨੀ 26 ਮਈ ਨੂੰ ਪੂਰੀ ਹੋਣ ਦੀ ਜਾਣਕਾਰੀ ਕਾਰਤਿਕ ਆਰੀਅਨ ਨੇ ਦਿੱਤੀ ਹੈ। ਇਹ ਫਿਲਮ 29 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਬਲਾਕਬਸਟਰ 'ਭੂਲ ਭੁਲਈਆ 2' ਤੋਂ ਬਾਅਦ ਕਿਆਰਾ ਅਤੇ ਕਾਰਤਿਕ ਦੀ ਇਹ ਦੂਜੀ ਫਿਲਮ ਹੋਵੇਗੀ। ਦੂਜੇ ਪਾਸੇ ਸਿਧਾਰਥ ਮਲਹੋਤਰਾ ਜਲਦ ਹੀ ਆਪਣੀ ਪਹਿਲੀ ਵੈੱਬ ਸੀਰੀਜ਼ 'ਇੰਡੀਅਨ ਪੁਲਿਸ ਫੋਰਸ' ਅਤੇ ਬਾਲੀਵੁੱਡ ਫਿਲਮ 'ਯੋਧਾ' 'ਚ ਨਜ਼ਰ ਆਉਣਗੇ।
