ਨਵੀਂ ਦਿੱਲੀ: ਅਡਾਨੀ ਪੋਰਟਸ ਐਂਡ ਸਪੈਸ਼ਲ ਇਕਨਾਮਿਕ ਜ਼ੋਨ ਲਿਮਟਿਡ ਤੋਂ ਖ਼ਬਰ ਆਈ ਹੈ। ਅਡਾਨੀ ਪੋਰਟਸ ਆਪਣੇ 2024 ਦੇ ਬ੍ਰਾਂਡ ਦੇ ਵਿਚੋਂ 195 ਮਿਲੀਅਨ ਡਾਲਰ ਨੂੰ ਵਾਪਸ ਖਰੀਦੇਗਾ। ਇਸ ਦੇ ਪਿੱਛੇ ਕਾਰਨ ਇਹ ਹੈ ਕਿ ਕਾਰੋਬਾਰੀ ਗੌਤਮ ਅਡਾਨੀ ਆਪਣੇ 'ਤੇ ਲੱਗੇ ਦੋਸ਼ਾਂ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹਨ। ਅਪ੍ਰੈਲ ਤੋਂ ਲੈ ਕੇ ਹੁਣ ਤੱਕ ਨੋਟਾਂ 'ਚ ਭਾਰੀ ਵਾਧਾ ਹੋਇਆ ਹੈ, ਕਰੀਬ 3.375 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਖ਼ਬਰ ਤੋਂ ਬਾਅਦ ਕੰਪਨੀ 11 ਅਕਤੂਬਰ ਤੱਕ ਦਿੱਤੇ ਗਏ ਕਰਜ਼ੇ ਲਈ ਹਰ 1000 ਡਾਲਰ ਦੀ ਮੂਲ ਰਕਮ ਲਈ 975 ਡਾਲਰ ਦਾ ਭੁਗਤਾਨ ਕਰੇਗੀ। (Hindenburg report)
ਹਿੰਡਨਬਰਗ ਦੀ ਰਿਪੋਰਟ ਦਾ ਕਾਰੋਬਾਰ 'ਤੇ ਅਸਰ: ਇਸ ਤੋਂ ਬਾਅਦ ਆਫਰ ਦੀ ਕੀਮਤ ਗਿਰ ਕੇ 965 ਡਾਲਰ ਰਹਿ ਗਈ। ਇਸ ਦੇ ਨਾਲ ਹੀ ਅਡਾਨੀ ਪੋਰਟਸ ਨੇ ਕਿਹਾ ਹੈ ਕਿ ਉਹ ਆਪਣੇ ਕੈਸ਼ ਰਿਜ਼ਰਵ ਤੋਂ ਖਰੀਦਦਾਰੀ ਲਈ ਵਿੱਤ ਦੇਵੇਗੀ। ਇਹ ਵੀ ਕਿਹਾ ਕਿ ਸਬੰਧਤ ਬਾਂਡ ਦੀ ਮੂਲ ਰਕਮ 520 ਮਿਲੀਅਨ ਡਾਲਰ ਬਕਾਇਆ ਹੈ। ਅਡਾਨੀ ਪੋਰਟਸ ਨੇ 2024 ਦੇ 2.3 ਹਜ਼ਾਰ ਕਰੋੜ ਰੁਪਏ ਦੇ ਬਾਂਡ ਨੂੰ ਵਾਪਸ ਖਰੀਦਣ ਦਾ ਫੈਸਲਾ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਿੰਡਨਬਰਗ ਦੀ ਰਿਪੋਰਟ (Hindenburg report) ਤੋਂ ਬਾਅਦ ਅਡਾਨੀ ਗਰੁੱਪ ਲਗਾਤਾਰ ਆਪਣੇ ਨਿਵੇਸ਼ਕਾਂ ਦਾ ਭਰੋਸਾ ਜਿੱਤਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹਿੰਡਨਬਰਗ ਦੀ ਰਿਪੋਰਟ 'ਚ ਦੋਸ਼ ਲਾਇਆ ਗਿਆ ਸੀ ਕਿ ਅਡਾਨੀ ਗਰੁੱਪ (Adani Group) ਦੇ ਸ਼ੇਅਰਾਂ ਅਤੇ ਬ੍ਰਾਂਡਾਂ 'ਚ ਵਿਕਰੀ ਹੋਈ ਸੀ।
- Share Market Updates: ਸੈਂਸੈਕਸ ਦੀ ਚੰਗੀ ਸ਼ੁਰੂਆਤ, ਜਾਣੋ ਨਿਫਟੀ ਦੇ ਵੀ ਹਾਲਾਤ
- Export Of Basmati Rice: ਭਾਰਤ ਬਾਸਮਤੀ ਚੌਲਾਂ ਦੇ ਨਿਰਯਾਤ 'ਚ ਕਰੇਗਾ ਕਟੌਤੀ, ਵਧਦੀਆਂ ਕੀਮਤਾਂ ਕਾਰਨ ਕਈ ਦੇਸ਼ਾਂ ਨੇ ਬਾਸਮਤੀ ਚੌਲਾਂ ਦੇ ਨਿਰਯਾਤ 'ਤੇ ਲਾਈ ਪਾਬੰਦੀ
- UIDAI: ਭਾਰਤ ਸਰਕਾਰ ਨੇ MOODY's ਦੇ ਦਾਅਵੇ ਨੂੰ ਕੀਤਾ ਖਾਰਜ, ਕਿਹਾ- ਆਧਾਰ ਦੁਨੀਆ ਦੀ ਸਭ ਤੋਂ ਭਰੋਸੇਮੰਦ ਡਿਜੀਟਲ ਆਈਡੀ
ਬਾਜ਼ਾਰ 'ਤੇ ਐਲਾਨ ਦਾ ਅਸਰ: ਇਸ ਤੋਂ ਬਾਅਦ ਅਡਾਨੀ ਗਰੁੱਪ ਦੇ ਅਧਿਕਾਰੀਆਂ ਨੇ ਇੰਨ੍ਹਾਂ ਦੋਸ਼ਾਂ ਨੂੰ ਸਿੱਧੇ ਤੌਰ 'ਤੇ ਰੱਦ ਕਰ ਦਿੱਤਾ ਸੀ। ਹਿੰਡਨਬਰਗ ਵਰਗੀ ਹੀ ਇਕ ਹੋਰ ਰਿਪੋਰਟ ਅਡਾਨੀ ਗਰੁੱਪ 'ਤੇ ਸਾਹਮਣੇ ਆਈ ਸੀ। ਇਹ ਰਿਪੋਰਟ OCCRP ਦੁਆਰਾ ਜਾਰੀ ਕੀਤੀ ਗਈ ਸੀ। OCCRP ਨੂੰ ਫੰਡਿੰਗ ਜਾਰਜ ਸੋਰੋਸ ਦੁਆਰਾ ਕੀਤੀ ਜਾਂਦੀ ਹੈ। ਇਸ ਰਿਪੋਰਟ ਤੋਂ ਬਾਅਦ ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ 'ਚ ਸ਼ੇਅਰਾਂ ਦੀਆਂ ਕੀਮਤਾਂ 'ਚ ਕਾਫੀ ਗਿਰਾਵਟ ਆਈ ਸੀ। ਅਕਸਰ ਅਡਾਨੀ ਗਰੁੱਪ ਦੇ ਐਲਾਨ ਦਾ ਬਾਜ਼ਾਰ 'ਤੇ ਅਸਰ ਪੈਂਦਾ ਹੈ। ਉਸ ਦੀ ਘੋਸ਼ਣਾ ਨੇ ਮਾਰਕੀਟ ਦੇ ਰੁਝਾਨ ਨੂੰ ਬਦਲ ਦਿੱਤਾ। ਵਿਆਜ ਦਰਾਂ ਵਿੱਚ ਤੇਜ਼ੀ ਨਾਲ ਵਾਧੇ ਤੋਂ ਬਾਅਦ ਕੰਪਨੀਆਂ ਆਪਣੇ ਕਰਜ਼ਿਆਂ ਦੀ ਮੁੜ ਖਰੀਦ (Repurchasing) ਕਰ ਰਹੀਆਂ ਹਨ। ਲੰਬੇ ਸਮੇਂ ਤੱਕ ਘੱਟ ਕੂਪਨ ਬਾਂਡ ਰੱਖਣ ਦਾ ਮਤਲਬ ਹੈ ਕਿ ਉਨ੍ਹਾਂ ਨੂੰ ਇਸ ਦੇ ਬਦਲੇ ਕੋਈ ਨਵਾਂ ਮਹਿੰਗਾ ਕਰਜ਼ਾ ਨਹੀਂ ਲੈਣਾ ਪਵੇਗਾ।
