ਕਾਨਪੁਰ: ਕਾਨਪੁਰ ਵਿੱਚ ਧੋਖਾਧੜੀ ਦਾ ਇੱਕ ਮਾਮਲਾ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੰਜਾਬ ਵਿੱਚ ਰਹਿਣ ਵਾਲੇ ਇੱਕ ਨੌਜਵਾਨ ਨੇ ਇੱਕ ਲੱਖ ਰੁਪਏ ਦੇ ਪੈਸੇ ਟਰਾਂਸਫਰ ਕਰਕੇ ਦੁਕਾਨਦਾਰ ਨੂੰ ਨਕਲੀ ਨੋਟ ਸੌਂਪੇ। ਧੋਖਾਧੜੀ ਦੀ ਸੂਚਨਾ ਮਿਲਣ ਤੇ ਪਹੁੰਚੀ ਪੁਲਿਸ ਨੇ ਨੌਜਵਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਪੁੱਛਗਿੱਛ ਵਿੱਚ ਇਹ ਨੌਜਵਾਨ ਆਪਣੇ ਆਪ ਨੂੰ ਪੰਜਾਬ ਦੇ ਤਰਨਤਾਰਨ ਦਾ ਰਹਿਣ ਵਾਲਾ ਦੱਸ ਰਿਹਾ ਹੈ। ਪੁਲਿਸ ਨੇ ਉਸ ਕੋਲੋਂ 2 ਲੱਖ 96 ਹਜ਼ਾਰ ਦੇ ਨਕਲੀ ਨੋਟ ਬਰਾਮਦ ਕੀਤੇ ਹਨ। ਉਸ ਕੋਲ ਇੰਨੇ ਜਾਅਲੀ ਨੋਟ ਕਿੱਥੋਂ ਆਏ, ਫਿਲਹਾਲ ਪੁਲਿਸ ਇਸ ਦੀ ਜਾਂਚ ਕਰ ਰਹੀ ਹੈ।
ਅਭਿਸ਼ੇਕ ਗੁਪਤਾ(Abhishek Gupta) ਦੀ ਕਾਨਪੁਰ ਦੇ ਹਰਬੰਸ ਮੋਹਲ ਥਾਣਾ ਖੇਤਰ ਵਿੱਚ ਅਮੂਲ ਟੈਲੀਕਾਮ(Amul Telecom) ਦੇ ਨਾਮ ਉੱਤੇ ਦੁਕਾਨ ਹੈ। ਅਭਿਸ਼ੇਕ ਮਨੀ ਟ੍ਰਾਂਸਫਰ ਦਾ ਕੰਮ ਵੀ ਕਰਦਾ ਹੈ।
ਪੰਜਾਬ ਦਾ ਰਹਿਣ ਵਾਲਾ ਮਨਪ੍ਰੀਤ ਉਸਦੀ ਦੁਕਾਨ ਤੇ ਪਹੁੰਚਿਆ ਅਤੇ ਇੱਕ ਲੱਖ ਰੁਪਏ ਐਸਬੀਆਈ ਦੇ ਖਾਤੇ ਵਿੱਚ ਟਰਾਂਸਫਰ ਕਰਵਾਏ। ਜਦੋਂ ਪੈਸੇ ਟਰਾਂਸਫਰ ਕੀਤੇ ਗਏ, ਮਨਪ੍ਰੀਤ ਨੇ ਇੱਕ ਲੱਖ ਦੇ ਨੋਟ ਅਭਿਸ਼ੇਕ ਨੂੰ ਸੌਂਪੇ, ਜਿਸ ਵਿੱਚ ਇੱਕ ਨੋਟ ਉੱਪਰ ਅਤੇ ਇੱਕ ਨੋਟ ਹੇਠਾਂ ਸੀ, ਬਾਕੀ ਸਾਰੇ ਨੋਟ ਨਕਲੀ ਸਨ।
ਦੁਕਾਨਦਾਰ ਅਭਿਸ਼ੇਕ ਨੇ ਉਸ ਨਾਲ ਹੋਈ ਧੋਖਾਧੜੀ ਬਾਰੇ ਪੁਲਿਸ ਨੂੰ ਸੂਚਿਤ ਕੀਤਾ। ਸੂਚਨਾ ਮਿਲਣ 'ਤੇ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਮਨਪ੍ਰੀਤ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਤਲਾਸ਼ੀ ਦੌਰਾਨ ਉਸ ਕੋਲੋਂ ਕਰੀਬ ਦੋ ਲੱਖ 96 ਹਜ਼ਾਰ ਦੇ ਨਕਲੀ ਨੋਟ ਬਰਾਮਦ ਹੋਏ ਹਨ।
ਪੁਲਿਸ ਮਨਪ੍ਰੀਤ ਤੋਂ ਪੁੱਛਗਿੱਛ ਕਰ ਰਹੀ ਹੈ ਕਿ ਉਸ ਕੋਲ ਇੰਨੇ ਜਾਅਲੀ ਨੋਟ ਕਿੱਥੋਂ ਆਏ? ਫਿਲਹਾਲ ਇਹ ਨੌਜਵਾਨ ਪੁਲਿਸ ਦੀ ਹਿਰਾਸਤ ਵਿੱਚ ਹੈ, ਪੁਲਿਸ ਇਸ ਜਾਅਲੀ ਕਰੰਸੀ ਬਾਰੇ ਲਗਾਤਾਰ ਉਸਦੀ ਜਾਂਚ ਕਰ ਰਹੀ ਹੈ।
ਇਹ ਵੀ ਪੜ੍ਹੋ :CM ਚੰਨੀ ਗਾਇਕ ਸਨ ਜਾਂ ਨਹੀਂ ਪੜ੍ਹੋ ਇਹ ਖ਼ਬਰ
