ETV Bharat / bharat

Rahul gandhi on Bharat Jodo Yatra: ਜੰਮੂ-ਕਸ਼ਮੀਰ ਦੇ ਲੋਕਾਂ ਨੇ ਮੈਨੂੰ ਹੈਂਡ ਗਰਨੇਡ ਨਹੀਂ, ਪਿਆਰ ਦਿੱਤਾ, ਬੋਲੇ ਰਾਹੁਲ

author img

By

Published : Jan 30, 2023, 6:09 PM IST

Updated : Jan 30, 2023, 6:43 PM IST

CONGRESS RAHUL GANDHI ON BHARAT JODO YATRA IN JAMMU AND KASHMIR
CONGRESS RAHUL GANDHI ON BHARAT JODO YATRA IN JAMMU AND KASHMIR

ਜੰਮੂ-ਕਸ਼ਮੀਰ 'ਚ ਕਾਂਗਰਸ ਦੀ ਭਾਰਤ ਜੋੜੋ ਯਾਤਰਾ ਅੱਜ ਸਮਾਪਤ ਹੋ ਗਈ। ਇਸ ਮੌਕੇ ਕਰਵਾਏ ਗਏ ਸਮਾਗਮ ਨੂੰ ਸੰਸਦ ਮੈਂਬਰ ਰਾਹੁਲ ਗਾਂਧੀ, ਪ੍ਰਿਅੰਕਾ ਗਾਂਧੀ ਵਾਡਰਾ, ਕਾਂਗਰਸ ਪ੍ਰਧਾਨ ਮੱਲਿਕਾਰਜੁਨ ਖੜਗੇ ਅਤੇ ਹੋਰ ਕਈ ਸੀਨੀਅਰ ਆਗੂਆਂ ਨੇ ਸੰਬੋਧਨ ਕੀਤਾ।

ਸ੍ਰੀਨਗਰ: ਇੱਥੇ ਕਾਂਗਰਸ ਦੀ ਭਾਰਤ ਜੋੜੋ ਯਾਤਰਾ ਦੀ ਸਮਾਪਤੀ ਮੌਕੇ ਕਰਵਾਏ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਜਪਾ ਆਗੂ ਡਰੇ ਹੋਏ ਹਨ। ਮੋਦੀ ਜੀ, ਅਮਿਤ ਸ਼ਾਹ ਜੀ, ਆਰਐਸਐਸ ਵਾਲਿਆਂ ਨੇ ਹਿੰਸਾ ਨਹੀਂ ਦੇਖੀ, ਉਹ ਡਰਦੇ ਹਨ। ਕੋਈ ਵੀ ਭਾਜਪਾ ਆਗੂ ਇੱਥੇ ਪੈਦਲ ਇਸ ਤਰ੍ਹਾਂ ਨਹੀਂ ਚੱਲ ਸਕਦਾ। ਇਸ ਲਈ ਨਹੀਂ ਕਿ ਜੰਮੂ-ਕਸ਼ਮੀਰ ਦੇ ਲੋਕ ਉਸ ਨੂੰ ਚੱਲਣ ਨਹੀਂ ਦੇਣਗੇ, ਸਗੋਂ ਇਸ ਲਈ ਕਿ ਉਹ ਡਰਦੇ ਹਨ।

ਕਾਂਗਰਸ ਦੀ 'ਭਾਰਤ ਜੋੜੋ ਯਾਤਰਾ' ਦੇ ਸਮਾਪਤੀ ਦਿਨ ਸ੍ਰੀਨਗਰ ਦੇ ਸ਼ੇਰ-ਏ-ਕਸ਼ਮੀਰ ਸਟੇਡੀਅਮ 'ਚ ਇਕ ਜਨ ਸਭਾ 'ਚ ਰਾਹੁਲ ਗਾਂਧੀ ਨੇ ਕਿਹਾ, 'ਮੈਂ ਗਾਂਧੀ ਜੀ ਤੋਂ ਸਿੱਖਿਆ ਹੈ ਕਿ ਜੇਕਰ ਤੁਸੀਂ ਜਿਉਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਬਿਨਾਂ ਡਰ ਦੇ ਜੀਣਾ ਪਵੇਗਾ। ਮੈਂ ਇੱਥੇ ਚਾਰ ਦਿਨ ਤੱਕ ਇੱਥੇ ਇਸ ਤਰ੍ਹਾਂ ਪੈਦਲ ਚੱਲਿਆ ਹਾਂ। ਮੈਂ ਤਾਂ ਸੋਚਿਆ ਕਿ ਬਦਲ ਦੋ ਮੇਰੀ ਟੀ-ਸ਼ਰਟ ਦਾ ਰੰਗ, ਬਦਲ ਕੇ ਲਾਲ ਕਰ ਦੋ ਪਰ ਮੈਂ ਜੋ ਸੋਚਿਆ ਸੀ ਉਹੀ ਹੋਇਆ। ਜੰਮੂ-ਕਸ਼ਮੀਰ ਦੇ ਲੋਕਾਂ ਨੇ ਮੈਨੂੰ ਹੈਂਡ ਗ੍ਰੇਨੇਡ ਨਹੀਂ ਦਿੱਤਾ। ਮੈਨੂੰ ਪਿਆਰ ਦਿੱਤਾ ਮੈਨੂੰ ਖੁੱਲ੍ਹੇ ਦਿਲ ਨਾਲ ਪਿਆਰ ਦਿੱਤਾ। ਮੈਨੂੰ ਆਪਣਾ ਮੰਨਿਆ। ਪਿਆਰ ਦੇ ਹੰਝੂਆਂ ਨਾਲ ਮੇਰਾ ਸਵਾਗਤ ਕੀਤਾ।

ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਜਪਾ ਦਾ ਕੋਈ ਨੇਤਾ ਪੈਦਲ ਯਾਤਰਾ ਨਹੀਂ ਕਰ ਸਕਦਾ ਜਿਵੇਂ ਮੈਂ ਚਾਰ ਦਿਨ ਤੱਕ ਕੀਤੀ ਹੈ। ਅਜਿਹਾ ਇਸ ਲਈ ਨਹੀਂ ਕਿ ਜੰਮੂ-ਕਸ਼ਮੀਰ ਦੇ ਲੋਕ ਉਸ ਨੂੰ ਚੱਲਣ ਨਹੀਂ ਦੇਣਗੇ, ਸਗੋਂ ਇਸ ਲਈ ਹੈ ਕਿ ਭਾਜਪਾ ਦੇ ਲੋਕ ਡਰਦੇ ਹਨ। ਉਨ੍ਹਾਂ ਕਿਹਾ ਕਿ ਮੈਂ ਰੋਜ਼ਾਨਾ 8-10 ਕਿਲੋਮੀਟਰ ਦੌੜਦਾ ਹਾਂ।

ਅਜਿਹੇ 'ਚ ਉਨ੍ਹਾਂ ਨੇ ਮਹਿਸੂਸ ਕੀਤਾ ਕਿ ਕੰਨਿਆਕੁਮਾਰੀ ਤੋਂ ਕਸ਼ਮੀਰ ਤੱਕ ਪੈਦਲ ਚੱਲਣਾ ਇੰਨਾ ਮੁਸ਼ਕਿਲ ਨਹੀਂ ਹੋਵੇਗਾ। ਇਹ ਯਾਤਰਾ ਆਸਾਨ ਹੋਵੇਗੀ। ਰਾਹੁਲ ਨੇ ਕਿਹਾ, ਮੈਨੂੰ ਬਚਪਨ 'ਚ ਫੁੱਟਬਾਲ ਦੌਰਾਨ ਗੋਡੇ 'ਤੇ ਸੱਟ ਲੱਗ ਗਈ ਸੀ। ਕੰਨਿਆਕੁਮਾਰੀ ਤੋਂ ਯਾਤਰਾ ਸ਼ੁਰੂ ਕੀਤੀ ਤਾਂ ਗੋਡਿਆਂ 'ਚ ਦਰਦ ਸੀ ਪਰ ਬਾਅਦ 'ਚ ਕਸ਼ਮੀਰ ਆ ਕੇ ਇਹ ਦਰਦ ਖਤਮ ਹੋ ਗਿਆ। ਉਨ੍ਹਾਂ ਨੇ ਕਿਹਾ, 'ਜਦੋਂ ਮੈਂ ਕੰਨਿਆਕੁਮਾਰੀ ਤੋਂ ਅੱਗੇ ਵਧ ਰਿਹਾ ਸੀ ਤਾਂ ਮੈਨੂੰ ਠੰਡ ਮਹਿਸੂਸ ਹੋ ਰਹੀ ਸੀ। ਮੈਂ ਕੁਝ ਬੱਚਿਆਂ ਨੂੰ ਦੇਖਿਆ। ਉਹ ਗਰੀਬ ਸਨ, ਉਹ ਠੰਡ ਮਹਿਸੂਸ ਕਰ ਰਹੇ ਸਨ, ਪਰ ਉਹ ਮਜ਼ਦੂਰੀ ਕਰ ਰਹੇ ਸਨ ਅਤੇ ਉਹ ਕੰਬ ਰਹੇ ਸਨ। ਮੈਂ ਸੋਚਿਆ ਕਿ ਜੇ ਇਨ੍ਹਾਂ ਬੱਚਿਆਂ ਨੂੰ ਠੰਢ ਵਿੱਚ ਸਵੈਟਰ-ਜੈਕਟਾਂ ਨਹੀਂ ਪਾ ਸਕਦੇ ਤਾਂ ਮੈਨੂੰ ਵੀ ਸਵੈਟਰ ਜਾਂ ਜੈਕੇਟ ਨਹੀਂ ਪਾਉਣੀ ਚਾਹੀਦੀ।

ਇਹ ਵੀ ਪੜ੍ਹੋ: Bharat Jodo Yatra Concludes in Snow Fall : ਭਾਰੀ ਬਰਫ਼ਬਾਰੀ ਵਿੱਚ ਭਾਰਤ ਜੋੜੋ ਯਾਤਰਾ ਦੀ Closing Ceremony ਅਤੇ ਰਾਹੁਲ ਗਾਂਧੀ ਦੀ ਮਸਤੀ, ਵੇਖੋ ਵੀਡੀਓ

Last Updated :Jan 30, 2023, 6:43 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.